LipjaniPress

Në Kosovë ka filluar “Java e Parandalimit të Kancerit të qafës së mitrës”

Lajme Shneta

Ministri i Shëndetësisë Imet Rrahmani sot ka marrë pjesë në punëtorinë për shënimin e “Javës së Parandalimit të Kancerit të qafës së mitrës”, të organizuar nga Shoqata e Obstetërve dhe Gjinekologëve të Kosovës në bashkëpunim me Këshillin Nacional për Kontroll të Kancerit KNKK dhe me Komunën e Prishtinës, përkrahur nga Fondi për Popullsi i Kombeve të Bashkuara (UNFPA), me temë “Parandalimi dhe trajtimi i kancerit të qafës së mitrës”.

Sipas komunikatës për media nga Ministria e Shëndetësisë, Rrahmani tha se është për tu vlerësuar angazhimi i Shoqatës së Obstetërve dhe Gjinekologëve të Kosovës, KNNK-së, profesionistëve shëndetësor dhe organizatave vendore dhe ndërkombëtare për organizimin e aktiviteteve të ndryshme që për qëllim kanë vetëdijesimin e qytetarëve dhe fuqizimin e akterëve në luftën për parandalimin dhe trajtimin e kësaj sëmundjeje.

“Në kuadër të Strategjisë Sektoriale Shëndetësore 2017-2021, MSh e ka paraparë si prioritet përmirësimin e shëndetit të nënës dhe fëmijës si dhe luftën kundër kancerit, e nëse bashkëpunimi i të gjithë neve, duke përfshirë edhe Kujdesin Parësor Shëndetësorë, është i mirë atëherë sukseset në parandalim, në këtë rast të kancerit të qafës së mitrës janë të padiskutueshme”, tha Rrahmani.

Shefqet Lulaj Kryetar i Shoqatës së Obstetërve dhe Gjinekologëve të Kosovës, tha se takimet e tilla janë të mirëseardhur dhe luajnë rol të rëndësishëm në rritjen e vetëdijesimit të popullatës ngase “ndikon në parandalimin me kohë të lezioneve kanceroze, dhe natyrisht se është më e lehtë në aspektin e trajtimit mjekësor, por ka edhe një kosto më të ulët”.

Visare Mujko, Shefe e Zyrës në Prishtinë të Fondit për Popullatë të Kombeve të Bashkuara –UNFPA, duke shprehur gatishmërinë e UNFPA-së për mbështetje edhe të mëtutjeshme të programeve për parandalimin dhe luftimin e kancerit të qafës së mitrës, tha se “ndjehet shumë mirë që këtë vit, “Java e Parandalimit të Kancerit të qafës së mitrës”, na gjen shumë më të përgatitur në parandalimin dhe luftimin e kësaj sëmundjeje”.

Në organizimin e shënuar për këtë ditë u diskutua për aktivitetet që bëhen dhe janë bërë lidhur me parandalimin dhe trajtimin e lezioneve prekanceroze si dhe trajtimin operator të kancerit invaziv të qafës së mitrës.

Gjatë prezantimit të Pilot projekti i Skriningut të Kancerit Cervikal në Komunën e Prishtinës, nga dr. Erzen Begolli, u tha se deri në nëntor të 2016, në kuadër të këtij projekti 1394 femra i janë nënshtruar PAP-Testit, ku nga i gjithë ky numër vetëm një rast është diagnostikuar me HPV- pozitiv.

Në punëtori janë prezantuar edhe aktivitetet lidhur me skriningun e kancerit të qafës së mitrës të Bordit Nacional për Kontroll të Kancerit të MSH-së, është bërë prezantimi i Draftit final të udhërrëfyesit “Skrinimi dhe trajtimi i lezioneve prekanceroze të qafës së mitrës” i hartuar nga grupi punues i profesionistëve shëndetësorë, si dhe nga ekspertët vendorë të kësaj fushe janë prezantuar format e parandalimit dhe trajtimit të kancerit të mitrës me temat: “Kost benefit analiza e Programit të Depistimit për Kancerin Cervikal në Kosovë”, Trajtimi i lezioneve prekanceroze në qafën e mitrës, si dhe “Stejxhingu i kancerit cervical dhe trajtimi operator i kancerit cervikal”.

Në fund të punëtorisë, janë vlerësuar aktivitetet që janë bërë gjatë një viti si dhe është rekomanduar që Pilot projekti i Skriningut të Kancerit Cervikal në Komunën e Prishtinës të zgjerohet edhe në komunat tjera të Kosovës, me qëllim të informimit dhe edukimit për vetëdije të shtuar në parandalimin e karcinomit, sigurimin e qasjes përkatëse deri te shërbimet shëndetësore, sigurimin e mjedisit të shëndetshëm jetësor si dhe është bërë thirrje për avancimin e politikave në raport me këtë çështje.

Facebook Comments

Related posts

Ramadan Muja, një mandat duke u ballafaquar me drejtësinë

lipjanipress

Vuçiq: BE’ja tani nuk po e kërkon njohjen e Kosovës

lipjanipress

Digjet ferma bashkë me 28 krerë lopë në Ferizaj (Foto)

lipjanipress

Komandanti i KFOR’it nuk e përkrah Ushtrinë e Kosovës

lipjanipress

Cristiano Ronaldo largohet nga Real dhe bashkohet me Juve

lipjanipress

Bosch thotë se Kosovës është dashur t’i hiqen vizat në vitin 2010

lipjanipress

Lista Serbe thotë se është e gatshme ta votojë demarkacionin me Malin e Zi

lipjanipress

Kush e kërcënoi me vrasje liderin e Dardanëve, Lulzim Berisha? (Video)

lipjanipress

Anita me puthje i uron Ramushit postin e kryeministrit (Video)

lipjanipress

Kanë filluar punimet në ndërtimin dhe asfaltimin e rrugës “Luftëtarët e Lirisë në fshatin Babush i Muhaxherëve

lipjanipress

Kuvendi Komunal miraton buxhetin për vitin 2019-2021

lipjanipress

Shpërthen dhuna në protestën për 22 vjeçarin e dhunuar nga policia në Francë (Foto)

lipjanipress
Albanian
Kalo te paneli