LipjaniPress

Kryetari i Mitrovicës Veriore: Të martën e ndërtojmë strukturën e re betonike në zonën e këmbësorëve

Lajme

Kryetari i Mitrovicës së veriut, Goran Rakiq, ka paralajmëruar se të martën, më 7 shkurt, do të fillojë ndërtimi i, siç ka thënë ai, “një strukture betoni mbështetëse dhe të fortë në lartësi prej 70 centimetrash dhe gjerësi prej 120 centimetrash”, që sipas tij, do të “garantojë sigurinë për qytetarët e komunës së Mitrovicës së veriut”.

“Struktura e re mbështetëse do të përputhet shumë mirë edhe në aspektin mjedisor edhe estetik me projektin e ndërtimit të zonës së këmbësorëve në rrugën Mbreti Petër”, ka deklaruar Rakiq, raporton Radio Evropa e Lirë, duke e “falënderuar” siç është shprehur, “kryeministrin serb, Aleksandar Vuçiq për mbështetjen që ka çuar”, siç ka thënë ai, “drejt pajtimit edhe të përfaqësuesve relevantë ndërkombëtarë”’.

Një mur i ndërtuar që në dhjetor të vitit të kaluar, në kohën kur nisi rivitalizimi i urës në lumin Ibër, u rrënua të dielën më 5 shkurt, pas një marrëveshjeje të arritur ndërmjet Qeverisë së Kosovës dhe kryetarit Rakiq të Mitrovicës së veriut, e me lehtësimin e bashkësisë ndërkombëtare në Kosovë.

Zyrtarët shtetërorë të Kosovës, por edhe ata ndërkombëtarë që veprojnë në Kosovë, kanë thënë se në Mitrovicë nuk do të ketë më mure, kur janë pyetur në lidhje me ndërtimin e strukturës së re nga komuna e Mitrovicës së veriut në sheshin “Mbreti Petër”.

Atje është thënë se do të vendosen vetëm disa shtylla zhytëse elektronike që mund të komandohen nga distanca dhe që pengojnë hyrjen e automjeteve në shesh, ndërsa çelësin e tyre do ta kenë vetëm shërbimet emergjente në pjesën veriore të Kosovës.

Facebook Comments

Related posts

Ramiz Kelmendi ‘godet’ Shpend Ahmetin: Duaje tënden me jahte, vodka ruse e përcjellëset e Serbisë

lipjanipress

92 të vdekur nga rrëshqitjet e dheut në Kolumbi

lipjanipress

Thaçi, takim urgjent me ambasadorët e Quint-it – më pas konferencë për media

lipjanipress

OSBE përkrah zgjedhjen e një prokurori të veçantë që merret me kërcënimet dhe mbrojtjen e gazetarëve

lipjanipress

Tash i takon BE’së ta mbajë premtimin për vizat

lipjanipress

Komuna e Prishtinës paralajmëron largimin e familjeve që nuk janë raste sociale

lipjanipress

Degjeneron seanca plenare, deputetët e PD “rrethojnë” Tahirin në foltoren e Kuvendit

lipjanipress

Avokati Alban Arifi: Kryetari i Lipjanit Imri Ahmeti, përmes padisë, po kërcënon gazetarin Granit Duriqi

lipjanipress

Fuad Ramiqi dhe 4 imamë deklarohen të pafajshëm

lipjanipress

Profili i Haradinajt, merr postin që e kërkoi për 13 vjet: Tash le ta tregojë veten

lipjanipress

Sindikata e Doganës e shqetësuar për sulmin ndaj oficerëve doganorë në Vushtrri

lipjanipress

Prishtinë, arrestohen dy të mitur për posedim të narkotikëve

lipjanipress
Albanian
Kalo te paneli