LipjaniPress

LOJA E PISTË ME DURIMIN QYTETAR

Lajme Op/Ed

Shkruan Luljeta ALIU

Evropa po i thotë LDK-së se mocioni është grusht shteti dhe po e lutë të mos e bëjë këtë gabim.

Miqtë më besnikë amerikanë, Daniel Serwer e Elliot Engel, i kanë treguar Kosovës se nuk duhet të nguten për dialog dhe se nuk duhet të pranojnë marrëveshje me ndryshim kufijsh, që do të ishte shumë e dëmshme për Kosovën dhe që nuk është zgjidhje e mbështetur nga Amerika, por vetëm nga administrata Trump.

Ndërkohë, politikanët tanë po bëhen sikur nuk kuptojnë sa të dëshpëruar me Kosovën duhet të jenë këto figura eminente të politikës botërore për të qenë të detyruar t’i lënë anash floskulat diplomatike dhe ta thonë kaq troç dhe hapur mendimin të tyre. Më qartë nuk ka ku shkon, përpos të thuhet se ai apo ky politikan kosovar po punon kundër interesave të Kosovës. Por këta nuk guxojnë ta shpallin tradhëtar një kosovar. Këtë duhet ta kuptojmë vetë ne.

Qytetarët në zgjedhjet e fundit i kanë treguar politikanëve përmes votës se çfarë vije politike mbështesin. Sidomos LDK duhet ta ketë kuptuar deri më tani vullnetin e votuesve të saj për orientimin e dëshiruar dhe partnerët e mundshëm për koalicion.

Mbrëmë, si asnjëherë në këto 20 vite pas largimit të agresionit millosheviqian, qytetarët u bashkuan në aksionin simbolik kundër këtyre avazeve për rrëzimin e kësaj qeverie.

Megjithatë, njerëz të pacipë të involvuar në krijimin e kësaj krize vazhdojnë me agjendat e tyre, pa asnjë turp e frikë. Arroganca ndaj qytetarëve nuk mund të rritet më shumë. Këta njerëz janë në gjendje ta rrezikojnë edhe konfliktin qytetar për interesa personale. Këta njerëz janë rrezik për shtetin. Këta njerëz nuk e kanë vendin në politikë. Këta janë kriminelë. Janë matrapaza. E zeza e vendit. Fatkeqësia jonë.

Sjelljet e këtyrë personave janë një lojë e pistë me durimin qytetar tani kur jemi të ngujuar, janë një ofendim për inteligjencën dhe rrezikim i stabilitetit në vend në këtë kohë krize. Është sikur ta gjeje një njeri të afërt e të lënduar të shtrirë përtoke dhe në vend se ta ndihmosh, t’ia japësh shkelmin e fundit për alivanosje.

Po të mos ishte kohë krize dhe karantine, do të duhej të dalim në rrugë të gjithë qytetarët dhe të mos largohemi nga rrugët deri sa të shkarkohet nga pozita jo vetëm Agim Veliu, por edhe presidenti aktual e bashkë me të edhe Isa Mustafa. E le të flasin të tjerët pastaj, nëse guxojnë.

Facebook Comments

Related posts

Dënimi i Dytë nga PZAP-i i Mimoza Kusari-Lilës

lipjanipress

Presidenti kërkon drejtësi për shqiptarët e serbët e vrarë në Kosovë.(VIDEO)

lipjanipress

Kryetari Ahmeti i përkushtuar në përmirësimin e kushteve në shkolla

lipjanipress

Kusari e Sejdiu kërkojnë Komision Hetimi Parlamentar për Politizim të Bordeve dhe Pozitave të Larta

lipjanipress

Ditëve të fundit është shtuar dukshëm numri i të prekurve me sëmundjen e fruthit në Kosovë. Nga kjo sëmundje deri më tani kanë vdekur 2 persona, një fëmijë 15 muajsh dhe një 37 vjeçar.

lipjanipress

Azem Syla mund të gjykohet edhe në Zvicër

lipjanipress

Klemend Balili ndodhet brenda vendit, komunikon me letra me bandën e tij

lipjanipress

Konfiskohen mbi tre mijë kg marihuanë në Gjilan

lipjanipress

Komandanti i NATO’s për Europë: Transformimi i FSK’së në ushtri i takon Kosovës

lipjanipress

Pështyhet e quhet tradhtar gazetari maqedonas që raportoi për zyrtarizimin e gjuhës shqipe

lipjanipress

Në sheshin Adem Jashari në Lipjan shumë shpejt do të vendoset Shtatorja e Komandantit Legjendar Adem Jashari

lipjanipress

Të gjithë të interesuarit, dashamirësit e librit, janë të mirëseardhur të marrin pjesë në Ceremoninë e promovimit të librit, “Me Forcen e Shpirtit” me personazh z. Islam Behxhet Pacolli

lipjanipress
Albanian
Kalo te paneli