Kraishta si dhe shumica e fshatrave të Lipjanit nuk kanë tabela orientuese. Një bashkëatdhetar nga këto anë duke ndjerë nevojën për një shenjë të tillë vendosi që ta bëjë një gjest pozitiv duke vendosur dy shenja orientuese, njëren në rrugën për Magurë afër shtëpisë përmirsuese dhe tjetrën në hyrje të fshatit. Disa qytetarë me vullnetin e tyre kanë ndihmuar fizikisht si: Lulzim Shala, Bekim Grejqevci, Egzon Shala dhe Bujar Shala.
Bashkëatdhetari shpreson se ka dhënë një kontribut modest dhe mendon se ne te ardhmen nuk do të ketë nevojë për intervenime të kësaj natyre që besojmë shumë që i takojnë pushtetit komunal. Familjarë nga familja Shala dhe banorë tjerë të fshatit edhe në të kaluaren kanë bërë gjeste të mira dhe kanë kontribuar vullnetarisht për disa çështje: vendosja e një tabele orientuese për aeroport në kohën sa është duke u punu në rrugën për magurë të cilën e ka vendosur Hanifi Petrova, lëshimi i një lokacioni për stacion të autobusëve, pastrimi i ambientit nga mbeturinat e hedhura nga qytetarët, vendosja e pllakave me vërejtjen mos hedhni mbeturina dhe shumë veprime tjera humane dhe njerëzore.
Shembuj të tillë të mirë duhet të bëhen gjithandej në vendbanimet e Lipjanit por shenjat orientuese dhe sinjalizuese duhët të vendosen nga Komuna e jo nga qytetarët. Aty ku mungon dora e shtetit e merrë në dorë qytetari i cili edhe mund të mos ja qëlloj ku duhet të vendosen shenjat e komunikacionit./LipjaniPress.com//
