LipjaniPress

Bie numri i përdoruesve të heroinës, rritet ai i narkotikëve të tjerë

Lajme

Përdorimi i substancës narkotike të llojit heroinë, kohët e fundit, ka shënuar rënie të përdorimit nga të rinjtë e Kosovës, për dallim nga vendet e tjera të botës, ku thuhet të ketë pasur rritje të përdorimit të saj.

Sipas studiuesve në Universitetin Kolumbia të SHBA-së, numri i amerikanëve që përdorë heroinë është pesëfishuar në dekadën e fundit dhe mosha e përdoruesve është ndërmjet 18 deri në 44 vjeç.

Por, në Kosovë në tre vjetët e fundit nuk është shënuar asnjë rast që të rinjtë të kenë kërkuar ndihmë mjekësore për përdorim të heroinës, ka deklaruar Safet Blakaj, drejtues i Qendrës Mediko-Psikoterapeutike “Labirint”, në Prishtinë.

Megjithatë, thotë ai, substancat e tjera narkotike kanë shënuar rritje në përdorim dhe marihuana tashmë përdoret edhe nga fëmijët e moshës 12-vjeçare.

“Sa i përket drogës së llojit heroinë, në Kosovë ka rënë dukshëm trendi i përdorimit. Sipas të dhënave tona, tre vjetët e fundit nuk e kemi asnjë rast të përdoruesve të heroinës. Janë shkëputur gjeneratat e vjetra, që kanë përdorur heroinë, nga këto të rejat. Kjo është interesante te ne, pasi heroina është trend në rritje në botë, derisa te ne ka shënuar rënie. Mirëpo duhet pasur kujdes në programe parandaluese që të mos na rikthehet”, thotë Blakaj.

Sipas tij, rënia e numrit të përdoruesve të heroinës ka ardhur pas shtimit të aktiviteteve për parandalim të përdorimit të heroinës dhe njëkohësisht edhe angazhimit të Policisë së Kosovës.

“Mirëpo, janë rritur përdoruesit e drogave tjera, sidomos marihuana. Mosha mesatare e fillimit të cilësdo drogë është 16 vjeç. Por, ka raste kur me marshuanë fillojnë me 12 vjeç, pra fëmijë ndonëse janë raste të rralla. Derisa kalojnë me droga tjera në moshën 21 vjeçare”, shton Blakaj.

Autoritetet e rendit thonë se për dukurinë e luftimit të trafikimit me narkotikë kanë zhvilluar plane strategjike, të cilat siç thonë janë treguar të suksesshme.

Baki Kelani, zyrtar për informim në Policinë e Kosovës, thotë për Radion Evropa e Lirë se policia ka shtuar aktivitetet për parandalimin e trafikimit të narkotikëve.

“Policia e Kosovës, bazuar në planin strategjik zhvillimor, një rëndësi të veçantë i ka kushtuar luftës së trafikimit me narkotikë ku bën pjesë edhe heroina. Policia ka arritur që brenda kësaj periudhe kohore të vitit 2017 të realizojë një sërë planesh konkrete, ku nga janari deri në prill të konfiskojë mbi 28 kilogramë heroinë. Kjo tregon se rezultatet janë të larta, duke marrë parasysh periudhën e shkurtër dhe sasinë e konfiskuar”, shpjegon Kelani.

Kosova ndodhet ndërmjet Lindjes dhe Perëndimit dhe për shkak të pozitës gjeostrategjike, sipas ekspertëve të fushës, bën pjesë në rrugën ballkanike të transportimit të substancave narkotike, qoftë me origjinë nga Lindja drejt Perëndimit apo anasjelltas.

Kosova është konsideruar vend transit për trafikimin e drogës dhe jo destinacion i saj, thonë autoritetet e rendit, një pohim i bazuar edhe në raportet ndërkombëtare për aktivitetet e grupeve të njohura si trafikues me substanca narkotike.

Facebook Comments
Pelqeni Faqet nga LipjaniPress:

Related posts

Mimoza Kusari i përgjigjet të përditshmes “Zëri”

lipjanipress

Parashikimi i motit prej të hënës deri të premtën

lipjanipress

Fushata Zgjedhore për Zgjedhjet e 11 Qershorit 2017, po merr dimensione të reja zhvillimi nëpër komuna të Kosovës. Të enjëten koalicioni LDK-AKR-A, ka mbajtur konventën Zgjedhore me anëtarët dhe simpatizuesit e këtyre subjekteve politike.

lipjanipress

Ushtria siriane e krijon një batalion të përbërë vetëm nga fermat, për ta luftuar ISIS-in (Video)

lipjanipress

Deda tregon pse dështoi FER-i

lipjanipress

VV: POLICËT E THAÇIT KIDNAPUAN STUDENTIN QË E QUAJTI ATË HAJN

lipjanipress

Edhe një tjetër “shqiponjë” shfaqet në ushtrinë greke (foto)

lipjanipress

Avni Nazmi Limani :kandidat pë asamblenë komunale në Lipjan

lipjanipress

Pas Vetëvendosjes, edhe Lista Srpska bëhet parti

lipjanipress

Zbulohet arsyeja e arrestimit të vëllait të ish-ministrit Jabllanoviq

lipjanipress

Pro dhe kundër dëbimit të refugjatëve në Gjermani

lipjanipress

Apeli kthen në rigjykim rastin ‘Tolaj’

lipjanipress
Skip to toolbar