LipjaniPress

Kush është Avdullah Hoti, kandidati për Kryeministër i LDK’së?

Lajme

Lidhja Demokratike e Kosovës ka vendosur që në zgjedhjet e 11 qershorit të shkojë më një kandidat të ri për Kryeministër.
Pas tërheqjes së Isa Mustafës për ta marrë kreun e ekzekutivit, Avdullah Hoti edhe zyrtarisht është kandidat i kësaj partie për postin e Kryeministrit.

Por kush në fakt është Avdullah Hoti, aktualisht ministër i Financave, të cilit sot Lidhja Demokratika ia besoi atij kandidaturën për postin e të parit të Qeverisë, nëse arrin që të dal fitues në zgjedhjet e 11 qershorit.


Biografia e Avdullah Hotit:

Arsimi: Ka studiuar menaxhment dhe informatikë në Fakultetin Ekonomik të Universitetit të Prishtinës gjatë viteve 1994-1998. Studimet e magjistraturës (2001-2002) dhe të doktoratës (2003-2007) për ekonomiks i ka përfunduar në Staffordshire University, Britani e Madhe. Më 2008 është certifikuar nga Staffordshire University për metoda hulumtuese dhe mentorim të studentëve të doktoratës.

Përvoja akademike dhe hulumtuese: Ka filluar angazhimin si asistent mësimor në Fakultetin Ekonomik të Universitetit të Prishtinës në vitin 1998. Në vitin 2008 është zgjedhur Profesor Asistent, ndërkaq më 2012 është zgjedhur profesor i asocuar. Në këtë fakultet ligjëron disa kurse në studimet bachelor, master dhe të doktoratës. Në Kolegjin Dardania në Prishtinë ligjëron mikroekonominë dhe makroekonominë. Ka ligjëruar në Universitetin e Pejës gjatë vitit 2008-2009. Gjatë viteve 1999-2004, ka punuar si hulumtues, me kohë të pjesshme, në Institutin Riinvest në Prishtinë. Ka qenë anëtar i Këshillit Drejtues të Universitetit të Prishtinës gjatë viteve 2007-2009. Ka qenë anëtar i disa këshillave profesionale dhe akademike në vend dhe jashtë. Ka publikuar gjashtë tekste, në gjuhën angleze, prej tyre dy si autor i vetëm dhe katër si bashkautor. Ka publikuar 16 artikuj shkencorë në revista ndërkombëtare lidhur me tregun e punës, zhvillimin ekonomik dhe tranzicionin, arsimin, migracionin dhe remitancat dhe fusha të tjera. Ka marrë pjesë në shumë konferenca shkencore ndërkombëtare dhe vendore.

Angazhimet politike: Gjatë viteve 2006-2007, ka qenë Këshilltar i Lartë i Ministrit të Arsimit, Shkencës dhe Teknologjisë të Kosovës. Gjatë viteve 2008-2009, ka qenë Këshilltar për Ekonomi i Kryetarit të Komunës së Prishtinës. Për një mandat (2010-2013) ka qenë Nënkryetar i Komunës së Prishtinës. Nga viti 2006 është anëtar i Këshillit të Përgjithshëm të Lidhjes Demokratike të Kosovës. Nga viti 2010, është anëtar i Kryesisë së Lidhjes Demokratike të Kosovës. Nga viti 2011, ka kryesuar Këshillin e Ekspertëve të Lidhjes Demokratike të Kosovës. Në qershor 2014, është zgjedhur Deputet i Kuvendit të Republikës së Kosovës nga Lidhja Demokratike e Kosovës.

Është i martuar dhe ka dy djem, Ledionin dhe Antianin.

Facebook Comments
Pelqeni Faqet nga LipjaniPress:

Related posts

Dy kosovarë shpikin picën e zezë, mahnitet e gjithë Zvicra

lipjanipress

Kjo ishte bomba e Ismet Beqirit për Ushtrinë

lipjanipress

Çka po ndodh, blindohet Moska me trupa, raketa dhe avionë

lipjanipress

Njoftim: Presion Zonës Express për mostransmetim të dokumentarit për Elvis Pistën

lipjanipress

Jakup Lecaj: Ukraine , Ne Fshatin Karakurt ku jetojne Shqiptare.

lipjanipress

Arsim Jashari zyrtarizon kandidimin për Asamable Komunale Lipjan

lipjanipress

Fshati Smallush mbështetë programin e Lëvizjes Vetëvendosje! dhe Selatin Retkocerin

lipjanipress

Mimoza Kusari i përgjigjet të përditshmes “Zëri”

lipjanipress

Zyrtare: LDK dhe AKR arrijnë marrëveshje për koalicionin

lipjanipress

Tiranë: Del nga shtëpija për të fituar kafshatën e gojës për fëmijet e tij edhe kjo ndodh (Video+Foto)

lipjanipress

Mësuesi që vrau Miladin Popoviçin para 72 viteve

lipjanipress

Walker dhe drejtuesit e Opozitës tregojnë se çka u bisedua në takimin e sotëm (Video)

lipjanipress
Skip to toolbar