Konstatimi se Vetëvendosje! është në panik është një tallje e tipit të humorit të zi. Cila na qenka frika dhe paniku, çka po humbim ne si opozitë, privilegjet, karrikat, petkun e pushtetarit, tenderët, punësimet e familjarëve, veturat luksoze, udhëtimet zyrtare brenda dhe jashtë vendit, drekat zyrtare, pushimet në bregdetet turke.
Qytetari Lipjanas nuk e han sapunin për samun, shumë mirë e din që paniku është te pushtetarët që humbin privilegjet, jo te opozita. Falenderojmë këto pseudopartale që po na vajtojnë dhe po i nxisin qytetarët që të na bashkohen, ne nuk e konsiderojmë vetën viktimë por qytetarët e mrekullueshëm dinë të rreshtohen përkrah viktimës së stisur nga LDK-ja.
Vetëm sot na janë bashkangjitur figura të shquara si: Naser Isufi ecc i dipl. Ish anëtar i kryesisë së AKR-së, Fatlum Gashi, kryetar i nëndegës së AKR-së Dobrajë e Madhe, Patriot Pacolli/Sllovi, Skender Gashi/Sllovi, Fahri Bajredini/Smallushë, Dashurie Nishori/Poturovc, Elvis Avdyli/Sllovi, Emine Aliu/Qylagë, Liridon Bytyqi/Sllovi, Avdullah Gashi/diasporë Dobrajë e Madhe, Ilir Sahiti/Poturovc.
Për hirë të ruajtjes së konfidencialitetit të disa nga anëtarët e rinj dhe dhjetra bizneseve që u anëtarsuan në VV kemi vendosur mos ua publikojmë emrat. Falenderojmë të gjithë ata që po na bashkohen dhe i ftojmë ata që po presin me mëdyshje që të vjinë me ne për të shpëtuar vendin nga kriza ekonomike dhe politike që e ka kaplu./LipjaniPress.com//
