LipjaniPress

LDK i reagon Thaçit, jep sinjale se nuk do të votojë për Ushtrinë

Lajme

Lidhja Demokratike e Kosovës i ka reaguar presidentit Hashim Thaçi për Ushtrinë. Përmes një njoftimi për media kjo parti ka bërë me dije se është duke u manipuluar se LDK ishte kundër krijimit të Ushtrisë. “Themelimi i Forcave të Armatosura, përkatësisht Ushtrisë së Kosovës duhet të bëhet mbi baza parimore, kushtetuese, si e drejtë legjitime e një shteti sovran, si forcë gjithëpërfshirëse multietnike në bashkëpunim me partnerët tanë strategjik, SHBA’të dhe NATO’n”, thuhet në reagimin e LDK.

Ky është reagimi i plotë i LDK’së:

Po manipulohet rëndë se ishte LDK-ja e cila pengoi që të themelohet Forca e Armatosur e Kosovës, sepse kundërshtoi vendet e rezervuara në Parlament për komunitetet joshumicë si kusht për votimin e ndryshimeve kushtetuese nga deputetët serbë. Një kusht i tillë nuk ka ekzistuar kurrë!

Vet deputetët serbë në fund të vitit 2013 dhe në fillim të vitit 2014 deklaroheshin se nuk i votojnë këto ndryshime kushtetuese. Për të qenë të qartë me ata që na akuzojnë, dëshirojmë të shtojmë se sikur edhe sot të shtrohej si kusht zgjatja e mandatit për vende të rezervuara me themelimin e FAK-ut, LDK-ja nuk do të pranonte. Atëherë LDK e ka kundërshtuar fort zgjatjen e vendeve të rezervuara. Arsyeja ka qenë se përfaqësuesit e komunitetit joshumicë kishin konsumuar të drejtën e tyre kushtetuese, sipas Pakos së Ahtisarit dhe duhet të kalonin vetëm në vende të garantuara.

Me të drejtën e vendeve të rezervuara, komunitetet do të kishin rreth ose mbi 30 deputetë në Parlament, në krahasim me 20 sa i kanë si vende të garantuara. Kushti se atyre do t’u zgjatej kjo e drejtë vetëm edhe për një mandat (kishte nga përfaqësuesit e partive politike shqiptare që ishin zemërgjerë dhe thoshin së paku edhe për dy mandate), ishte i pasinqertë ndaj opinionit, sepse marrja e kësaj të drejte pas një apo dy mandateve kërkonte votën e dyfishtë të 2/3 të deputetëve, të cilën nuk do ta arrinin në asnjë moment, pasi që pakicat nuk do të votonin që t’ia privojnë vetes një të drejtë kushtetuese, pa marrë parasysh marrëveshjen formale.

Përfaqësuesve të komuniteteve joshumicë i’u kemi siguruar diskriminim pozitiv, duke pasur parasysh se ata kanë përfaqësimin në Kuvend prej rreth 17%, karshi pjesëmarrjes prej 10% në strukturën e popullsisë së Kosovës. Me rreth 30 vende sa do të arrinin me vende të rezervuara ata do të kishin pjesëmarrjen e tyre në Kuvend prej 25%.

Prandaj, me asnjë të drejtë nuk mund të trumbetohet sot se ne do të duhej të rrudhnim vendet e deputetëve shqiptarë në Kuvend për të rritur ato të përfaqësuesve të komuniteteve joshumicë, për të bërë pazar për Forcat e Armatosura të Kosovës. Themelimi i Forcave të Armatosura, përkatësisht Ushtrisë së Kosovës duhet të bëhet mbi baza parimore, kushtetuese, si e drejtë legjitime e një shteti sovran, si forcë gjithëpërfshirëse multietnike në bashkëpunim me partnerët tanë strategjik, SHBA-të dhe NATO-n.

Zyra për informim – LDK

Facebook Comments
Pelqeni Faqet nga LipjaniPress:

Related posts

KEK’u e hedh topin te KEDS’i për mungesën e rrymës

lipjanipress

Anita Muçaj – Haradinaj ka thënë se e ka pritur një shtyrje të seancës nga Gjykata e Colmarit

Press Lipjani

Njoftohen të gjithë qytetarët e Komunës së Lipjanit

lipjanipress

Këto vende do të kenë ndërprerje të rrymës ditëve në vijim

lipjanipress

Limaj: Serbia po bën hajgare me Thaçin dhe Mustafën

lipjanipress

PDK-Lipjan Ismet Hajrullahu, nominohet kandidat për kryetar të komunës së Lipjanit nga Partia Demokratike e Kosovës!

lipjanipress

Myslimanja e parë pilote ushtarake në Amerikë (FOTO)

lipjanipress

I ati i Ramush Haradinaj shpreh gëzimin për 17 Shkurtin dhe mërzinë për djalin

lipjanipress

Në Kolegjin ABB i mbylli punimet Simpoziumi I “Qasja bio-psiko-sociale ndaj problemeve të shëndetit mendor”

Press Lipjani

VETËVENDOSJ në Lipjan nuk ka te ndalun qdo ditë një numër i madh i qytetarëve anëtarsohen

lipjanipress

Luftë fjalësh ndërmjet Kroacisë dhe Serbisë. Çfarë thotë Daçiq pasi kolegu kroat i refuzoi kërkesën për takim

lipjanipress

“Harvey” thyen rekordin amerikan me 1.250 milimetra shi për 58 orë

lipjanipress
Skip to toolbar