LipjaniPress

Lëvizja Vetëvendosje – Lipjan : SHËRBIMET SHËNDETËSORE NË LIPJAN NË GJENDJE TË RËNDË

Lipjani

Shëndetësia primare në Lipjan po kalon një gjendje shumë të rëndë. Shërbimet që do të duhej të merren nga qytetarët në këtë institucion shëndetësor thuajse mungojnë tërësisht.
Shërbimi i emergjencës thuajse nuk ekziston fare dhe nëse kemi ndonjë rast sa do të vogël që kërkon trajtim emergjent, çfarëdo që të jetë ai shërbim, mjeku i këtij shërbimi, krejt çka mund të bëjë është të të shkruajë një udhëzim për ta dërguar pacientin në QKUK, e në rastin më fatkeq për të konfirmuar ndarjen nga jeta të pacientit.
Në anën tjetër, shërbimi i maternitetit ka humbur besueshmërinë e pacientëve, sa që qytetarët as që kërkojnë këtë shërbim. Rastet e vetme që ndodhin të kryhet ndonjë lindje, janë vetëm të komunitetit RAE, të cilët për shkak të gjendjes së rëndë detyrohen që të shfrytëzojnë këtë shërbim në këto kushte. Në të njëjtën gjendje është edhe sektori i Stomatologjisë, në të cilin përveç të ndonjë rasti të nxjerrjes së dhëmbëve dhe atë nëse keni blerë anestezionin në ndonjërën prej dhjetëra barnatoreve private që i ke rreth e përqark ambulantës së mjekësisë familjare.
Shërbimi i rëntgenit dhe radiologjisë, interno, laboratori, por edhe të gjitha shërbimet tjera po kalojnë momente të rënda dhe thuajse nuk kryejnë asnjë shërbim mjekësor komplet. Gjithsesi që një pacient që shkon për vizitë në këtë ambulantë duhet të marrë gjysmën e shërbimeve tek ordinancat private, të cilat si truprojë janë vendosur rreth ambulantës publike.
Barnat e listës esenciale mungojnë në vazhdimësi, madje edhe me insulinë nuk qëndrojnë punët mirë, mungesa e ampulave, infuzionit, tabletave, fashave, materialit për rëntgen, ultrazëri, shiringa, anestezioni për pirje të ndonjë dhëmbi, gjilpëra dhe penj për ndonjë lëndim apo prerje sa do e vogël që është ajo nuk kryhet në Qendrën e mjekësisë familjare në Lipjan.
Këto ditë po bien në sy edhe konkurset jo vetëm për shëndetësi, por edhe në shërbimet tjera komunale, administratë, arsim edhe atë duke u thirrur ne Ligjin 2004/4, ligj ky i shfuqizuar nga neni 101 Nr 04/L-125 për shëndetësi. Nëse do te krenohej Drejtori i Shëndetësisë dhe Drejtori i QKMF për këto katër vite janë vite të errëta të shëndetësisë që kanë mbetur njollë në ndërgjegjen e tyre. E tëra që duhet krenohemi është një pjesë e mrekullueshme e stafit që në ato kushte që kanë na bëjnë një pritje vërtet të mirë dhe të cilët krejt çka munden me të ndihmu, ju ofrojnë dhe ju shkruajnë vetëm recetë dhe eventualisht një përshkrim të diagnozës që mjeku ka konstatuar nga intuita e tij dhe përshkrimi që pacienti ka bërë për sëmundjen e tij.
Me Vetëvendosjen në pushtetin komunal të gjitha këto shërbime do të jenë funksionale, kushtet do të jenë në nivelin më të lartë dhe mbi kushtet e çdo institucioni tjetër, pacientët do të trajtohen në tërësinë e nevojave të tyre, duke mos pasur nevojë që për asnjë shërbim të shëndetësisë primare qytetarët të frekuentojnë klinikat private të cilat i kushtojnë shumë xhepit edhe ashtu të varfër të qytetarëve tanë./LipjaniPress.com//

Facebook Comments Box
Pelqeni Faqet nga LipjaniPress:

Related posts

Kraishta dhe Varigoci me LDK-në për kryeministrin në ardhje Prof.Dr. Avdullah Hoti

lipjanipress

Kryetari Ahmeti ka pritur në vizitë Kryeministrin e Kosovës Ramush Haradinaj

lipjanipress

M.Tahiri: Punësimi mbetet ende sfida më e madhe për të rinjët e Ashkalinjëve

lipjanipress

QKUK më saktësisht në zyrat e administratës kishin hyrë persona të dyshuar

Press Lipjani

Veseli:Fillimi i Ri është garancë për Shtetin e Kosovës dhe fuqizimin e tij (FOTO)

lipjanipress

Një shtyllë elektrike në Dobraj të Lipjanit rrezikon seriozisht kalimtarët dhe banoret pranë shtyllës elektrike(FOTO)

lipjanipress

Kryetari Ahmeti viziton ndërtimin e trotuarëve në fshatin Konjuh

lipjanipress

Kreu i Partisë Demokratike të Kosovës ,dega në Lipjan z. Shukri Buja i shoqëruar nga anëtarët e kryesisë së PDK-së ,sot bënë homazhe dhe vendosën kurora lulesh në nderim të të rënëve për liri

lipjanipress

Zjarr në një ndërtesë në Lipjan, ka të lënduar

lipjanipress

Nazim Bllaca dënohet me burgim

lipjanipress

Imami i xhamis se lipjanit Mulla Skender Mehmeti uron muajin e shenjët të Ramazanit gjith besimatave islam

lipjanipress

Dr. Fitim Selimi edhe solemnisht ka pranuar nominimin Kandidat per Kryetar te Lipjanit.

lipjanipress
Skip to toolbar