LipjaniPress

Nderohen dhe përkujtohen dëshmorët dhe martirët e Komunës së Lipjanit

Lajme Lipjani

Një delegacion i Komunës së Lipjanit i udhëhequr nga Kryetari i Komunës, Imri Ahmeti, sot në nderim të 19-të vjetorit të rënies së martirëve nga Komuna e Lipjanit, ka bërë homazhe dhe ka vënë kurora lulesh pranë kompleksit memorial në fshatin Hallaq i Vogël dhe Rufc të Ri.

Po ashtu gjatë ditës së sotme, nën përkujdesjen e Kryetarit të Komunës së Lipjanit, Imri Ahmeti, në Qendrën Kulturore “Tahir Sinani”, është mbajtur Akademi Përkujtimore, në nderim të 19-të vjetorit të rënies së dëshmorëve dhe martirëve të komunës së Lipjanit. Qytetarë të shumtë morën pjesë në këtë akademi për të nderuar të rënët, duke përkujtuar kështu 19-të vjetorin e terrorit dhe masakrave të forcave serbe në Komunën tonë.

Kryetari i Komunës së Lipjanit, Imri Ahmeti tha se sot nuk mund t’i shmangemi rikujtimit të atyre ditëve të Prillit, të Prillit të përgjakur, kur dhuna, krisma e vrasje, vaj e dhembje, kur era e shkatërrimeve mbuloi gjithë fshatrat tona e në veçanti në Sllovi, Hallaq i Vogël dhe Ribar i Vogël.

“Se Liria ka çmimin e vet gjithmon e patëm në ndërdijen tonë kolektive, prandaj dëshmorët dhe martirët tanë nuk u pushtuan, ata vetëdijshëm u flijuan për ndërtimin e vendit tonë të lirë, sepse lirinë mjafton ta besosh, siç besuan ata fuqishëm me sakrificën e tyre për shtet –formim dhe shtet – ndërtim”, tha Kryetarit Ahmeti.

Ai po ashtu tha se obligimi ynë i përbashkët është jo vetëm shënimi i përvjetorëve, por edhe përkushtimi, angazhimi konsistent, i përhershëm moral dhe institucional i punës me përgjegjësi për të realizuar amanetin, ënderren, idealin e gjithë dëshmorëve dhe martirëve tanë.

“Na thërret dhe na obligon gjaku i dëshmorëve dhe martiëve të kombit, na thërret e kaluara dhe e tashmja, na obligon loti e vajtimi i nënave e familjarëve të dëshmorëve e martirëve për t’i dhënë krah e fuqi vendit tonë, për të zhvilluar dhe integruar Kosovën tonë ashtu siç e deshi Adem Jashari e shumë e shumë dëshmor e martir të vendit tone”, ka shtuar kryetari Ahmeti.

Fjalë rasti pati edhe përfaqësuesi i fshatit Hallaq i Vogël, Mustafë Gashi. Ai tha se dëshmorët dhe martirët, janë gurëthemeli i vendit tonë, kujtimi për ta, do të ruhet ndër breza.

Akademia është përmbyllur me dy recitale dhe dy këngë korale.

Facebook Comments
Pelqeni Faqet nga LipjaniPress:

Related posts

Koloneli Daniele Bajata me bashkëpunëtor nga KFORI, vizituan Xhaminë Mulla Sherif Ahmeti Lipjan.

lipjanipress

Lajmërim: Edhe pak muaj, vetëm këto vetura mund t’i importoni në Kosovë

lipjanipress

Vuçiqit i pengon Haradinaj si negociator në Bruksel

lipjanipress

Çfarë më mësoi Sllobodan Millosheviqi për Donald Trumpin

lipjanipress

“Për një dekadë e gjysmë që nga themelimi, Kolegji AAB është shndërruar në një qendër të rëndësishme akademike në Kosovë dhe jashtë saj

Press Lipjani

Nikoliq heqë dorë nga gara presidenciale në Serbi?

lipjanipress

Mbahet mbledhja e KK-së ,të Lipjanit: Votëbesimi i kryesueses tëKuvendit të Komunës Vlora Limani-Hajnuni: unë jam këtu që ti masim numrat me që ata kështu e kuptojnë demokracinë,

lipjanipress

PDK vendos nesër nëse do ta përkrahë mocionin e opozitës për rrëzimin e Qeverisë

lipjanipress

Kryetari i komunës, z. Naim Ismajli, po merr pjesë në Komitetin Drejtues të NALAS-it

Press Lipjani

Rrëfimi i Murat Jasharit për ‘Syrin e Popullit’, paralajmëronte hakmarrje ndaj liderëve politikë dhe fetarë (Video)

lipjanipress

Aksident dy vetura tek semaforat në Lipjan tre persona të lënduar,(FOTO)

lipjanipress

Lirak Çelaj përmendet si kandidat për Kryetar të Prishtinës në tubimin e PDK-së

lipjanipress
Skip to toolbar