LipjaniPress

Prokuroria Speciale ngre aktakuzë për krime lufte ndaj një personi

Lajme

Prokuroria Speciale e Kosovës, ka ngritur sot aktakuzë, pranë Departamentit për Krime të Rënda të Gjykatës Themelore në Mitrovicë, kundër personit Z.V. për veprën penale “Krime Lufte kundër popullsisë civile”.

Sipas aktakuzës i pandehuri gjatë kohës sё konfliktit të armatosur nё Kosovё, mё 5 maj 1999, nё Vushtrri, në bashkëkryerje, ka vepruar nё kundërshtim me normat e së drejtës ndërkombëtarë nё fuqi gjatё kohës sё luftёs, duke shkelur Nenin 3 (1a) tё përbashkët pёr katër Konventat e Gjenevës, tё datës 12 gusht 1949, po ashtu edhe protokollin shtesë (protokolli II) të kësaj Konvente të vitit 1977, neni 4, pikat 1 dhe 2, duke kryer veprimet e më poshtme:

I. Pasi ka rrahur dhe plaçkitur persona të ndryshëm civil të nacionalitetit shqiptar, me dashje ka rrahur e pastaj edhe ka vrarë katër persona civil shqiptar tё identifikuar si: Enver Rustolli, Hamdi Fazliu, Avdulla Fazliu dhe Fahredin Fazliu.

II. Duke vepruar nё mënyrë çnjerëzore ndaj civilëve tё nacionalitetit shqiptar me dashje ka cenuar integritetin trupor, shëndetin, mirëqenën fizike dhe mendore të 17 të dëmtuarve dhe dëshmitarëve, duke i torturuar dhe shkaktuar lëndime të rënda fizike dhe psikike, pasoja të cilat të dëmtuarit i bartin ende.

III. Me dashje dhe dhunshëm ka plaçkitur tё holla nё shuma të ndryshme, flori dhe gjëra tjera të çmueshme nga civilet e nacionalitetit shqiptar, konkretisht nga 8 tё dëmtuar dhe njëkohësisht dëshmitarë.

Më këtë i pandehuri, nё bashkëkryerje ka kryer veprën penale: Krime Lufte kundër popullsisë civile, nё kundërshtim me Nenin 142 lidhur me nenin 22 tё Ligjit Penal tё Republikës Socialiste Federale tё Jugosllavisë (LPRSFJ) paralel me Nenin 3 (1a) i përbashkët për Katёr Konventat e Gjenevës, e përfshirë edhe ne nenin 152 (1) dhe (2.1) dhe nenin 153 (1) dhe (2) lidhur me nenin 31 tё Kodit Penal tё Republikës sё Kosovёs.

Aktakuza është ngritur nga një prokuror vendës i Prokurorisë Speciale të Republikës së Kosovës në bashkëpunim me një prokuror të misionit EULEX, të cilët i kanë propozuar gjykatës kompetente që të pandehurin ta shpallë fajtor për veprat e kryera penale dhe ta dënojë sipas ligjit. /GazetaExpress/

Facebook Comments Box
Pelqeni Faqet nga LipjaniPress:

Related posts

Kryetari Ahmeti vizitoi disa nga projektekt që janë drejt finalizimit

lipjanipress

Çfarë po ndodh mes PDK-së dhe VV-së? Përçahet opozita: Adoleshentë politik

Granit

Të hënën Kryesia, për seancën e Kuvendit parashihen dy interpelanca të kryeministrit

lipjanipress

Cili minoritet në Kosovë është në gjendje më të vështirë?

lipjanipress

Mirena përkrahë fuqishëm Dr. Fitim Selimin

lipjanipress

Turqia do të dërgojë Holandën në Gjykatën Europiane të të Drejtave të Njeriut

lipjanipress

Kryetari Ahmeti i përkushtuar në përmirësimin e kushteve në shkolla

lipjanipress

Haradinaj, Vulinit: Shqiptarët s’kanë bërë dhe s’bëjnë kurrë spastrim etnik

Press Lipjani

Reagon Policia e Kosovës: Prania jonë në mjediset serbe rutinore

lipjanipress

Një muaj paraburgim për zyrtarin e Qeverisë

lipjanipress

Familja e veteranit të luftës Ilir Jasharit bëhët me banesë të re! (VIDEO)

lipjanipress

E tmerrshme: “Shteti Islamik” nis të bombardojë edhe me dronë (Video)

lipjanipress
Skip to toolbar