LipjaniPress

Zëvendëskryeministri Kelmendi vizitoi institucionet lokale, bizneset dhe Universitetin “Kadri Zeka” në Gjilan

Lajme

Zëvendëskryeministri i Republikës së Kosovës, Ramiz Kelmendi, vizitoi Komunën e Gjilanit, ku u prit nga kryetari i Komunës, Lutfi Haziri me bashkëpunëtorë.

Gjatë takimit, zëvendëskryeministri Kelmendi u njoftua nga kryetari Haziri për të arriturat në këtë komunë dhe përkushtimin për zhvillim të mëtejshëm ekonomik, me theks të posaçëm në sektorin e bujqësisë.
“Me kryetarin Haziri biseduam për kërkesat e shumta për zhvillimin e bujqësisë, në veçanti për industrinë e duhanit dhe brengosjen që kanë qytetarët e këtij regjioni, përfshirë edhe ata të Preshevës, Bujanocit e Medvegjës në kultivimin e kësaj bime”, tha zëvendëskryeministri Kelmendi, duke theksuar se në pakon e re fiskale e cila do të aprovohet së shpejti do të futet edhe çështja e heqjes së akcizës për bimën e duhanit.
Kryetari i Komunës së Gjilanit, Lutfi Haziri, duke e falënderuar zëvendëskryeministrin Kelmendi për vizitën, u shpreh i bindur se me njohuritë dhe potencialin që ka për çështjet ekonomike, do ta ndihmojë zhvillimin ekonomik në Kosovë, e në veçanti në regjionin e Gjilanit.
“Unë sot paraqita para zëvendëskryeministrit disa çështje të hapura që ne kemi me Qeverinë, në mënyrë që përmes ndryshimeve fiskale, të mbështetet puna jonë që ka të bëjë kryesisht me zhvillimin ekonomik, sidomos në prodhimin e bimës së duhanit, bimës së lulediellit dhe disa iniciativa të tjera, të cilat do të ndihmonin shumë jo vetëm Gjilanin, por gjithë Anamoravën që përfshinë edhe Preshevën e Bujanocin”, tha kryetari Haziri.
Zëvendëskryeministri Kelmendi bashkë me kryetarin Haziri kanë zhvilluar një takim me përfaqësues të bizneseve të kësaj komune, ku janë njoftuar me kërkesat dhe nevojat e prodhuesve, por edhe me pengesat me të cilat ballafaqohen prodhuesit dhe në përgjithësi ekonomia vendore.
Zëvendëskryeministri Kelmendi theksoi se pakoja e re fiskale do të jetë një rilindje për të gjithë prodhuesit e Kosovës në përgjithësi, dhe Gjilanit në veçanti, sepse këtu ka një veprimtari prodhuese të organizuar dhe të fuqishme e cila do të mbështetet në vazhdimësi.
“Pakoja e re fiskale e ndihmon shumë prodhimin vendor. Qeveria e Kosovës, është e përkushtuar që t’i përmbush kërkesat e arsyeshme të prodhuesve”, tha zëvendëskryeministri Kelmendi.
Zëvendëskryeministri Kelmendi gjatë qëndrimit në Gjilan, vizitoi edhe Universitetin “Kadri Zeka” dhe mbajti një ligjëratë para studentëve të këtij universiteti.
Zëvendëskryeministri Kelmendi vizitoi edhe dy kompani prodhuese, Fabrikën e lëngjeve “RC Cola” – “FLUIDI, si dhe fermën e pulave “Konsoni”, ku vlerësoi lartë suksesin e këtyre bizneseve./Lipjanipress.com//

 

Facebook Comments Box
Pelqeni Faqet nga LipjaniPress:

Related posts

Donika Gërvalla kërkon dorëheqjen e Isa Mustafës

lipjanipress

Rruga apo Laminati që u ndërtua nga Ministria e Pal Lekaj

lipjanipress

Deklarata ‘bombë’ e presidentes kroate për serbët

lipjanipress

Edhe një premtim i Stavilecit : “Kosova e Re” do të punësojë deri 10 mijë persona

lipjanipress

« Shembull për të tjerët », Tasholli uron Aliun për kryetar të AKK-së

Granit

Lista Srpska nuk do ta japë miratimin për formimin e ushtrisë

lipjanipress

Gëzohuni, nesër moti do të jetë fantastik

lipjanipress

Hyn në fuqi Ligji për pandeminë COVID-19, këto janë dënimet e parapara për ata që nuk respektojnë masat

lipjanipress

Hoxhaj: Serbia po përgatit skenarë të tjerë të provokimeve në rajon

lipjanipress

Mohgerini ndryshon agjendën, në Kosovë vjen të shtunën

lipjanipress

Kryeministër z.Ramush Haradinaj zëvendëskryeminister z.Fatmir Limaj shikoje këtë Çlirimtarin është nga Llapushniku Malush Gashin bashkëluftetarë i joni

lipjanipress

“Murtaja e bardhë” në Serbi, çdo vit një qytet më pak

lipjanipress
Skip to toolbar