LipjaniPress

VMRO këmbëngul për zgjedhje të reja

Lajme Maqedoni

VMRO-DPMNE kërkon llogari nga ndërkombëtarët të cilët u prononcuan për vazhdim të bisedimeve dhe formimin e Qeverisë së re. Me ton të ashpër, partia e Gruevskit kërkon që ambasada e SHBA-ve të sqarojë qëndrimin e djeshëm dhe të saktësojë nëse kjo nënkupton se ambasada amerikane përkrah idenë që mandati duhet t’i kalohet partisë së dytë.

“VMRO-DPMNE kërkon sqarim nëse SHBA sugjeron dhe kërkon nga Maqedonia dhe partitë në parlament që të mos ketë zgjedhje të reja parlamentare dhe a mundet që kjo ftesë të interpretohet si qëndrim zyrtar i administratës së SHBA-së, që partitë sipas radhës aktuale me fuqinë që doli nga zgjedhjet e fundit, të formojnë Qeveri të re?”, thanë nga VMRO-DPMNE.

VMRO-DPMNE-ja kërkon llogari edhe nga BE-ja e cila tha se duhet të merret parasysh edhe krijimi i një “Qeverie sa më të zgjeruar”.

Nga VMRO-DPMNE-ja thonë se mbeten në qëndrimin e së dielës ku kërkonin zgjedhje të reja si mundësi e vetme e daljes nga kriza dhe evitimit të konflikteve.

Pas kërkimit të mandatit për të formuar Qeveri, kreu i LSDM-së Zaev ka takuar ambasadoren e Gjermanisë Kristinë Althauzer, të Suedisë Mars Stefanson dhe atë të Polonisë Jaxhek Multanovski, ku ka theksuar nevojën që vendi të ecë përpara. Ambasadorët janë njoftuar edhe për bisedimet që Zaev zhvillon me partitë shqiptare.

“Është e qartë se në zgjedhje, vullneti i shumicës së qytetarëve është për ndryshime. Për këtë kërkojmë nga Gjorge Ivanov të mos humbë më shumë kohë, të veprojë në bazë të Kushtetutës dhe të japë mandatin për formimin e Qeverisë së re. Ne presim që ta formojmë shumicën e re parlamentare”, deklaruan nga LSDM.

BDI-ja nga ana tjetër ka ndërprerë mbledhjet maratonë të kryesisë që zhvilloi fundjavën e kaluar dhe nuk është rikthyer në tryezë për të diskutuar përsëri mbi pesë opsionet e tyre për situatën. Të kontaktuar nga Alsat, nga kjo parti nuk bënë të ditur se cilët do të jenë hapat e ardhshëm. Përfaqësuesit e partive politike, për ditën e nesërme janë ftuar në takime të ndara me Presidentin Ivanov. Nga Kabineti i presidentit Ivanov nuk bëjnë me dije nëse janë ftuar të gjithë partitë parlamentare./Alsat-M/

Facebook Comments

Related posts

Murat Jashari vllau i “Ismet Jasharit” ishte zotuar se do të vriste ‘tradhtarët’ (Foto)

lipjanipress

Kryetari Ahmeti realizon premtimin për ndërimin e shkollës në fshatin Mirenë

lipjanipress

Serbët ankohen: I kishim ndërtuar tri shtëpi me para të murit të rrënuar

lipjanipress

Reagon Policia e Kosovës: Prania jonë në mjediset serbe rutinore

lipjanipress

Kryeakademiku serb: Demografia në Serbi është problem i të gjitha problemeve

lipjanipress

Greqia rinis garën e armatimit me Turqinë, 5 miliardë euro shpenzime

lipjanipress

Rakiq viziton Qeverinë e Kosovës

lipjanipress

Thaçi dhe kryediplomati norvegjez i shijojnë bashkë birrat e Prishtinës

lipjanipress

Koloneli Daniele Bajata me bashkëpunëtor nga KFORI, vizituan Xhaminë Mulla Sherif Ahmeti Lipjan.

lipjanipress

Fotot e rralla: Ana e butë e presidentit të ri amerikan

lipjanipress

Videoja e plotë e pjesës së dytë të dokumentarit “Njëmbëdhjetë Thikat”

lipjanipress

Presidentja kroate mohon rritjen e mbështetjes për fashizmin

lipjanipress
Albanian
Kalo te paneli