LipjaniPress

Raportet mes Bashkimit Evropian dhe Donald Trumpit eskalojnë në pikë kritike

Lajme

Partitë kryesore politike të Parlamentit Evropian kanë nisur një përpjekje të paprecedentë për t’ia bllokuar hyrjen në ndërtesat e Bashkimit Evropian kandidatit të mundshëm të Donald Trumpit për ambasador në BE, duke e përshkruar atë si armiqësor dhe keqdashës.

Në një veprim befasues, që rrezikon të shkaktojë një konflikt të madh diplomatik, udhëheqësit e grupeve konservatore, socialiste dhe liberale në Bruksel i kanë kërkuar Komisionit Evropian dhe Këshillit Evropian, anëtarët e të cilëve përfaqësojnë 28 shtetet e BE’së, që të kundërshtojnë zgjedhjen e Ted Malloch, raporton The Guardian.

Malloch, një biznesmen që ka mbështetur fuqishëm daljen e Britanisë nga BE’ja para referendumit të zhvilluar në qershor, thuhet të jetë intervistuar nga Trump për pozitën e ambasadorit në BE, transmeton Gazeta Express.

Kur është pyetur nga BBC se pse është i interesuar të dislokohet në Bruksel, Malloch ka thënë se “në një karrierë të mëparshme kam pasur një post diplomatik, ku kam ndihmuar të rrëzoj Bashkimin Sovjetik. Mbase ekziston një tjetër Bashkim që ka nevojë të disiplinohet pak”.

Malloch po ashtu ka thënë se Trump nuk e do BE’në dhe e ka sulmuar kryetarin e Komisionit Evropian, Jean-Claude Juncker.

“Juncker ka qenë kryetar shumë adekuat i, më duket, një qyteti në Luksemburg, dhe ndoshta ai duhet të kthehet dhe ta bëjë përsëri këtë punë”, ka thënë Malloch.

Manfred Weber, udhëheqës i EPP’së së qendrës së djathtë, dhe aleat i kancelares gjermane, Angela Merkel; dhe Guy Verhofstadt, i cili udhëheq grupin liberal ALDE, kanë akuzuar Mallochun se po i sheh me “keqdashje të tmerrshme vlerat që e karakterizojnë Bashkimin Evropian”, transmeton Gazeta Express.

“Në javët e fundit, Ted R. Malloch, kandidat i mundshëm i presidentit amerikan Trump për t’u bërë ambasador i ri i SHBA’së në Bashkimin Evropian, ka bërë një varg deklaratash publike që denigrojnë BE’në. Në këto deklarata, kandidati i mundshëm ka shprehur ambicien e tij për të ‘disiplinuar’ bllokun ashtu siç e ka rrëzuar Bashkimin Sovjetik, ka mbështetur fuqishëm shpërbërjen e Bashkimit Evropian dhe ka parashikuar qartazi zhdukjen e valutës së përbashkët brenda muajsh”, thuhet në letrën që i është dërguar Junckerit dhe kreut të Këshillit Evropian, Donald Tusk.

“Këto deklarata zbulojnë qëndrimin e tmerrshëm keqdashës ndaj vlerave që e karakterizojnë këtë Bashkim Evropian, dhe nëse thuhen nga një përfaqësues zyrtar i Shteteve të Bashkuara, ato do të kishin potencial të dëmtonin seriozisht marrëdhënien transatlantike që, gjatë 70 vjetëve të fundit, ka kontribuar për paqe, stabilitet dhe prosperitet në kontinentin tonë”, thuhet në letrën e Weber dhe Verhofstadt. /Express/

Facebook Comments

Related posts

Abdullahu: Demarkacionin e çojmë bashkë me PDK-në në Kuvend, s’e dimë datën

lipjanipress

Problemet e mërgimtarëve gjatë aplikimit për të votuar në Kosovë

lipjanipress

Aksident në rrugën Kumanovë-Shkup, rikahëzohet komunikacioni

lipjanipress

Raportohet se ka humbur Xhejlane Abdullahu

lipjanipress

Prishtinë, arrestohen dy të mitur për posedim të narkotikëve

lipjanipress

Kryetari I komunës së Lipjanit, Imri Ahmeti të martën ka mbajtur takimin publik me qytetarët e kësaj komune

lipjanipress

Përkujdesja për të pastrehët, të uriturit dhe të varfrit ështe një nga misionet e Hoxhë Naser Baftiut njëkohesisht edhe Drejtor i Shoqatës Dora e Lirë

lipjanipress

Kush po kërkon të ndërtojë 5 spitale në qendrat më të mëdha rajonale? Tregon ministrja Bajrami (Video)

lipjanipress

Josef Martinsen: Letër e hapur drejtuar Qeverisë së Kosovës

lipjanipress

Familja Curri fal shoferin që ia mbyti vajzën Bleranda

lipjanipress

Kryetari i Forumit Rinor Sami Borovci me Forumin Rinor te AKR-së bejn homazhe ne prekaz.(Foto)

lipjanipress

Merkel për herë të parë pas grusht-shtetit viziton Turqinë

lipjanipress
Albanian
Kalo te paneli