LipjaniPress

Lista Srpska: Prishtina të themelojë Asociacionin

Lajme

Shefi i Listës Srpska, Slavko Simic ka thënë se Prishtina duhet të tregojë interes në themelimin e Asociacionin e Komunave me Shumicë Serbe siç ka vepruar me rrënimin e murit.

“Shpresoj se pas gjithë këtyre ngjarjeve Prishtina të tregojë interesim për themelimin e Asociacionit të Komunave me Shumicë Serbe”, ka thënë ai, për B92.

Simic ka deklaruar se serbët në Kosovë kanë dëshmuar sot se kanë për interes vetëm imponimin e idesë së paqes dhe bashkëjetesës.

Simic ka shtuar se heqja e murit mbajtës në Mitrovicë, siç është rënë dakord, duhet të zëvendësohet nga një strukturë e re.

Idenë e themelimit të Asociacionit e ka çuar përpara edhe Shefja e Zyrës së BE’së në Kosovë, Natalya Apostolove.

Ajo ka thënë se me të njëjtin vullnet qysh është rrënuar muri duhet vazhduar themelimi i Asociacionit.

“Jam duke shikuar, gjithashtu, për fillimin e diskutimit për Asociacionin e komunave me shumicë serbe, me të njëjtin përkushtim që patëm për largimin e këtij muri. Unë shpresoj se do të kemi rezultate të mira”, ka deklaruar Apostolova, nga Veriu i Mitrovicës.

Kundër themelimit të Asociacionit me Shumicë Serbe është kundërshtuar nga Opozita, e cila ka paralajmëruar protesta nëse një projekt i tillë zbatohet nga Qeveria, shkruan Gazeta Express.

Marrëveshje për themelimin e këtij mekanizmi ishte bërë në Bruksel ndërmjet Kosovës dhe Serbisë.

Një pjesë e kësaj marrëveshje ishte cilësuar se nuk ishte në përputhje me Kushtetutë nga Gjykata Kushtetuese, e cila kishte kërkuar që kur të hartohet Statuti i Asociacionit të merret për bazë vendimi i saj.

Ndërkohë, Qeveria e Serbisë i ka dhënë ultimatum Kosovës të themelojë Asociacionin e Komunave me Shumicë Serbe, më se largu, deri më 15 shkurt të këtij viti. Në të kundërtën kanë paralajmëruar se një hap të tillë do ta bëjnë vetë.

“Edhe një herë, zëshëm e qartë, porosis: Nëse Prishtina deri në Sretenje (15 shkurt) nuk e formon Asociacionin e Komunave serbe, atë do ta formojmë ne …”, kishte paralajmëruar Marko Gjuric, Shef i Zyrës për Kosovën në Qeverinë e Serbisë, Marko Gjuric.

Por, Kryeministri Isa Mustafa ka paralajmëruar fillimin e zbatimit të marrëveshjes për themelimin e Asociacionit të Komuave me Shumicë Serbe.

“Do të fillojmë me implementimin edhe të marrëveshjes për Asociacionin e Komunave me Shumicë Serbe. Asociacioni do të themelohet nga institucionet e Republikës së Kosovës me procedura të përcaktuara nga Gjykata Kushtetuese dhe me involvim të plotë të përfaqësuesve serbë në institucionet e Republikës së Kosovës”, ka thënë Kryeministri, në një postim në FB.

Facebook Comments

Related posts

Nga dita e premte 26/05/2017 banorët e një ndërtese nuk kanë rrymë elektrike(FOTO)

lipjanipress

Ardhja e mërgimtarëve, rrit numrin e aksidenteve

lipjanipress

Hapja Zyrtare e Fushatës nga LDK-Lipjan bëhet në Gadime (te Shpella), nga ora 19:00.

lipjanipress

Familja e komandant Drinit pranojnë dekoratë nga Presidenti Thaçi

lipjanipress

Ministri i Brendshëm izraelit përdor qepën që të përlotet (Video)

lipjanipress

9 të vdekur gjatë luftimeve në Ukrainë

lipjanipress

Trump e largon Amerikën nga një marrëveshje e rëndësishme tregtare

lipjanipress

Kosovari që plagosi 9 persona me sopatë (Video)

lipjanipress

Molliqaj thotë se veç një Qeveri e re zgjidh problemin e Veriut

lipjanipress

Aktivisti i Lëvizjes Vetëvendosje në Lipjan demanton rrenat e Kampionit Ahmeti kinse ka kaluar në strukturen e LDK-së

lipjanipress

Shënohet viktima e parë nga sulmi në Londër

lipjanipress

Atentatorët deshën të iknin drejt Zvicrës pasi plagosën Vllasin

lipjanipress
Albanian
Kalo te paneli