LipjaniPress

Ambasadorja gjermane: Jemi të dëshpruar me propozimin për Ushtrinë

Lajme

Ambasadorja gjermane në Kosovë, Angelika Viets, ka thënë të jenë të dëshpruar me propozimin e presidentit Hashim Thaçi për transformimin e FSK’së në ushtri. Kjo sipas saj për faktin se transformimi do të duhej të bëhej në përputhje me Kushtetutën.

Ambasadorja Viets në një intervistë për gazetën Kosova Sot, ka thënë se pavarësisht faktit se ata nuk pajtohen me këtë formë të transformimit Ushtria e Kosovës megjithatë do të njihet nga Gjermania, pasi siç ajo është shprehur, njihen shtetet e jo ushtritë, dhe Gjermania e ka njohur Kosovën, përcjellë gazetametro.net.
“Definimi i mandatit dhe strukturës së FSK-së janë vendim sovran i Kosovës. Megjithatë, çdo transformim do të duhej të bëhej në përputhje me Kushtetutën e Republikës së Kosovës dhe nëpërmjet një procesi transparent politik, në të cilin do të përfshiheshin të gjitha palët. Vendimmarrësit duhet të marrin në konsideratë deklaratën e NATO-s, sipas së cilës NATO do t’i duhej ta rishikonte nivelin e përkushtimit, në veçanti për sa i përket ndërtimit të kapaciteteve, në qoftë se miratohet draftligji i propozuar”.

“Ne jemi të dëshpëruar, që propozimi nuk është diskutuar paraprakisht në mes të Kosovës dhe partnerëve të NATO-s dhe aktorëve të tjerë relevantë. Ne jemi të brengosur që ky propozim e rrezikon bashkëpunimin e Kosovës me NATO-n dhe vë pengesa në dialogun për normalizim. Ne e kemi mbështetur fuqishëm gjatë gjithë kohës një Kosovë të pavarur dhe sovrane. Megjithatë, shprehim keqardhje që polarizimi i çështjeve, sikurse kjo e heq vëmendjen nga reformat shumë më urgjente, siç është implementimi i një sigurimi shëndetësor, apo ofrimi i një mirëqenieje më të mirë sociale për njerëzit”.

“Ushtritë nuk njihen. Njihen shtetet dhe Gjermania e ka njohur Kosovën, pothuajse që në orët e para pas pavarësimit Gjermania kërkon proces transparent politik dhe kushtetues”, ka thënë ambasadorja gjermane në Prishtinë.

Facebook Comments
Pelqeni Faqet nga LipjaniPress:

Related posts

Mirsad Tahiri: Jemi me Kombë Ashkanli, Jo RAE

lipjanipress

Ushtria siriane e krijon një batalion të përbërë vetëm nga fermat, për ta luftuar ISIS-in (Video)

lipjanipress

VIDEOSKANDAL:SHEFI I KABINETIT TË SFARQËS JEP PARA PËR TË VOTUAR LDK-N

lipjanipress

Presidentja kroate mohon rritjen e mbështetjes për fashizmin

lipjanipress

Shokon kryetari i Malishevës: Ne shqiptarët e kemi në gjene vjedhjen (Video)

lipjanipress

Mustafa e Vuçiq në Bruksel do të diskutojnë për zbatimin e marrëveshjeve

lipjanipress

Kjo është agjenda e plotë e manifestimeve të Pavarësisë

lipjanipress

Kryetari Ahmeti viziton ndërtimin e trotuarëve në fshatin Konjuh

lipjanipress

Rezultati i Sondazhit 24h i lansuar dje ne oren 12:00 dhe është mbyllur sod në ora 12:00(FOTO)

lipjanipress

Kosova renditet e para në botë me vdekjet nga COVID-19 në 1 milion banorë

lipjanipress

Dosje e FDH-së si i fshihte Serbia krimet në Kosovë

lipjanipress

Lulzim Rrustemi: Shumë shpejt do ta thërrasim mbledhjen e Kuvendit të Komunës (VIDEO)

lipjanipress
Skip to toolbar