LipjaniPress

Dënimi i Dytë nga PZAP-i i Mimoza Kusari-Lilës

Lajme Zgjedhjet 2017

Pas dënimit prej 3500 eurove, Mimoza Kusari- Lila është gjobitur edhe me 3 mijë euro tjera.

Përfshirja e fëmjëve në videot e fushatës zgjedhore i shkaktoi dy gjobitje kandidates së Alternativës për kryetare të Gjakovës- Mimoza Kusari-Lilës.Pasi KALLXO.com raportoi dje se Kusari-Lila ishte dënuar me 3500 euro për një videospot në një klub basketbolli ku shiheshin edhe fëmijë, ajo është dënuar edhe me një gjobë prej 3 mijë eurove, po për përfshirje të të miturve në fushatë.

Paneli Zgjedhor për Ankesa dhe Parashtresa e ka pranuar si të bazuar ankesën e BIRN dhe Internews Kosova ndaj Kusari-Lilës, për përfshirje të fëmijëve në një spot promovues të shpërndarë përmes faqes së saj publike të Facebook-ut.

Videoja e shpërndarë përmbante pamje nga vizita e kandidates së Alternativës në objektin e një shoqate të fëmijëve me Sindromin Down në Gjakovë.

Videoja më pas ishte fshirë nga llogaria e Kusari-Lilës.

Në arsyetimin e dhënë në vendim, Paneli gjeti se Kusari-Lila kishte bërë shkelje te rregullave zgjedhore duke përfshirë fëmijë.

Sipas PZAP-it vizita në këtë shoqatë kishte karakter të fushatës zgjedhore “pasi që në fund të video-incizimit shfaqet edhe llogoja e subjektit politik Alternativa”.

Paneli gjithashtu ka vlerësuar si të paqëndrueshëm arsyetimin e Alternativës se “vizita e realizuar është bërë me pëlqimin e prindërve”, duke rikujtuar se rregullat zgjedhore ndalojnë cfarëdo përfshirje në fushatë të personave që nuk i kanë mbushur 18 vjet.

Përfshirjen në fushatë të personave që nuk kanë mbushur 18 vjet e ndalon neni 5.2 i Rregullës Zgjedhore Numër 13/2013.

Paneli ka gjetur edhe shkelje të Ligjit për Zgjedhje të Përgjithshme sepse kandidatja Kusari-Lila, në rastin konkret, ka përdorur objektin publik për të realizuar vizitën me karakter të fushatës zgjedhore në këtë shoqatë.

Neni 35.1 i Ligjit për Zgjedhjet e Përgjithshme ndalon përdorimin e hapësirave dhe pasurisë publike në fushatë.

Ky veprim, sipas vendimit të panelit, ka ndikuar në lartësinë e gjobës së shqiptuar.

Gjobën e shqiptuar, sipas vendimit, Alternativa obligohet ta paguajë në afat prej 15 ditësh.

KALLXO.com shkroi dje edhe për një dënim tjetër prej 3500 eurove për përdorim të fëmijëve në një video-incizim të Kusari-Lilës.

Facebook Comments Box
Pelqeni Faqet nga LipjaniPress:

Related posts

Seanca për Haradinajn nesër në ora 09:00

lipjanipress

Gënjeshtrat më të mëdha në histori

lipjanipress

“Martesa për letra”, prioritet i shqiptarëve në Maqedoni

lipjanipress

Serbia pretendon se 58 për qind e territorit të Kosovës është pronë e saj

lipjanipress

Alarmi i frikshëm: Bota mund të jetë në rrezik më të madh sesa përballja Rusi–Perëndim (Foto)

lipjanipress

Nga kjo datë do të gjobiteni nëse s’keni gomat e dimrit dhe zinxhirët në veturë

lipjanipress

Vala e emigrantëve në pranverë, përgatitet edhe Kosova

lipjanipress

Rrahu gruan, arrestohet i dyshuari

Granit

Aksident i rëndë trafiku në Fushë Kosovë, ka të lënduar

lipjanipress

Familja gjakovare ua falë gjakun e dy djemve familjes nga Peja

lipjanipress

Ky është plani i Nismës për seancën e së enjtes rreth demarkacionit

lipjanipress

Hapja Zyrtare e Fushatës nga LDK-Lipjan bëhet në Gadime (te Shpella), nga ora 19:00.

lipjanipress
Skip to toolbar