LipjaniPress

Gjykata e Ferizajt jep detaje për policin e dyshuar, Përfitoi mijëra euro me fajde

Lajme

Gjykata Themelore në Ferizaj, ka aprovuar kërkesën e Prokurorisë Themelore të Ferizajt, për caktimin e masës së paraburgimit kundër të pandehurit K.K. zyrtar policor dhe të pandehurit F.R., për shkak të dyshimit të bazuar se kanë kryer veprën penale fajdeja. Ndërsa ka refuzuar kërkesën për caktimin e masës së paraburgimit ndaj të pandehurit B.R. i dyshuar për veprën penale fajdeja dhe të njëjtit i është caktuar masa e arrestit shtëpiak.

“Ekziston dyshimi i bazuar mirë, se i pandehuri K.K. në muajin maj 2017 ka pranuar shuma jo proporcionale të parave, në këmbim për paratë e dhëna në shërbim duke e shfrytëzuar gjendjen e vështirë financiare të personit tjetër, në atë mënyrë që i ka dhënë 20.000 euro para F.M. me kamatë mujore prej 3 %, i cili ka paguar kamatë çdo muaj nga 600 deri në 800 euro, duke përfituar shumën totale prej 17.800 euro si dhe obligimin për të kthyer borxhin kryesor në shumë prej 20.000 euro, për çka është detyruar të marrë edhe një shumë tjetër prej 15.000 euro me kamatë nga një person i quajtur Xh. i cili jeton në shtetin e Norvegjisë, duke pësuar dëm pasuror mbi 30.000 euro.

I pandehuri F.R. dyshohet se në Ferizaj ka pranuar shuma jo proporcionale të parave, në këmbim për paratë e dhëna në shërbim, në atë mënyrë që në intervale kohore brenda vitit 2017-2018 i ka dhënë 22.000 euro para në shërbim të dëmtuarit F.M., duke përfituar dobi pasurore në shumë prej 24.300 euro, si dhe obligimin për të kthyer borxhin kryesor. Ndërsa gjatë vitit 2017-2018 dyshohet se ka pranuar shuma jo proporcionale të parave, në këmbim për paratë e dhëna në shërbim, në atë mënyrë që në disa raste i ka dhënë 7.000 euro para në shërbim të dëmtuarit A.N, duke përfituar dobi pasurore në shumë prej 3.500 euro, si dhe obligimin për të kthyer borxhin kryesor, duke përfituar mbi 27.800 euro.

Ndërsa i pandehuri B.R. dyshohet se në muajin prill të vitit 2018 në Ferizaj, ka pranuar shuma jo proporcionale të parave, në këmbim për paratë e dhëna në shërbim, në atë mënyrë që i ka dhënë 10.000 euro para në shërbim të dëmtuarit A.N., duke përfituar dobi pasurore në shumë prej 3.000 euro , si dhe obligimin për të kthyer borxhin kryesor”, thuhet në njoftimin e gjykatës.

Me këtë rast palët njoftohen se ankesa kundër këtij aktvendimi nuk e shtynë ekzekutimin e tij. /Lajmi.net/

Facebook Comments Box
Pelqeni Faqet nga LipjaniPress:

Related posts

Molliqaj thotë se veç një Qeveri e re zgjidh problemin e Veriut

lipjanipress

David Philips shkruan për elitën e korruptuar në Prishtinë dhe raportet e reja Kosovë-Amerikë

lipjanipress

Krijimi i Qeverisë së re proces i komplikuar, ja çfarë thonë analistët

lipjanipress

Dy të vrarët dhe i plagosuri në Bazel, shqiptarë

lipjanipress

A u kopjua logo e 10-vjetorit të Pavarësisë? Vjen sqarimi nga presidenca

lipjanipress

I ri në moshë por i suksesshëm, biznesmeni lipjanas ka disa këshilla për të dhënë

Granit

Zyrtari i EULEX’it: Sistemi i drejtësisë të jetë llogaridhënës kur bën gabime

lipjanipress

Deputetët presion Qeverisë për Sigurimet Shëndetësore: Ministri është lodhu

lipjanipress

Sali Berisha denoncon policët bashkiakë: Ja çfarë po ndodh

lipjanipress

Demantohet lajmi në një postim gjëja se gjithë kryesia e AKR-s paska kalu në LDK

lipjanipress

Abrashi: S’kemi kohë për dëshirat e opozitës

lipjanipress

Veseli: Do ta bëj të pamundurën që të ofroj mbështetje institucionale për të lehtësuar të bërit biznes

lipjanipress
Skip to toolbar