E numri i lartë i vdekjeve ka bërë që Kosova të renditet e para në botë.
Sipas tabelës, Kosova renditet e para për raste të vdekjeve nga COVID-19 për 1 milion banorë, e ndjekur nga Peru, Bolivia, Meksika dhe Panamaja.
Themeluesi dhe Drejtori i Institutit për Hulumtime “Scripps”, Eric Topol i cili njëherësh është edhe profesor i mjekësisë molekulare, ditë ma parë ka publikuar në llogarinë e tij zyrtare në Twitter rang listën e shteteve me më së shumti vdekje në një milion banorë, ku e para është Kosova.
Kosova për numrin e vdekjeve në 1 milion banorë e ka lënë prapa edhe Amerikën e cila renditet në vendin e 9-të.
Lidhur me këto statistika ka reaguar deputetja e LVV-së, Mimoza Kusari-Lila.
Ajo përmes një reagim në Twitter ka shkruar se kaq për menaxhimin e mirë të ministrit Armend Zemaj dhe lavdërimin e Isa Mustafës për punën e kryer nga jurisiti Zemaj.
“Kaq për menaxhimin e mirë të Armend Zemaj nga LDK dhe lavdërimin e Isa Mustafës për punën e kryer nga jurisiti, Ministër i shëndetësisë. Ironikisht, duket se Isa Mustafa po lexon mbrapsht “suksesin” e Kosovës. Kush është “xhelati i vërtetë” po tregojnë statistikat”, ka shkruar Kusari-Lila.
Kujtojmë se tash e disa javë numri i vdekjeve në Kosovë brenda 24 orëve ka qenë mbi 10 persona, duke bërë kështu që shkalla e vdekshmërisë nga COVID-19 të rritet. Sipas të dhënave të IKSHP-së raste aktive me coronavirus në vendin tonë janë 4 mijë e 19.
Eric Topol @EricTopol Today marks 16 weekdays in a row with the US > 1,000 covid deaths. The USA ranks #9 in the world for deaths/million people, the only industrialized nation on the list 1. Kosovo 2. Peru 3. Bolivia 4. Mexico 5. Panama 6. Brazil 7. Montenegro 8. Bosnia
