LipjaniPress

Një vajzë e vogël kafshohet nga gjarpri, në QKU s’ka serum

Lajme

Një vajzë 4-vjeçare është kafshuar nga gjarpri derisa bashkë me të vëllanë e saj binjakë kanë luajtur me të në oborrin e shtëpisë. Në QKUK kanë mbetur vetëm edhe dozat e fundit të serumit, derisa sivjet shtatë kosovarë raportohet se janë kafshuar nga gjarpërinjtë.

Kishte dalë në oborr mesditën e së hënës. Por, 4-vjeçarja A. D. nga Syrigana e Skenderajt gjersa luante me vëllanë e saj binjak, ishte takuar me diçka jo të zakontë në oborrin e shtëpisë së saj në veriperëndim të Kosovës.

Një gjarpër ishte shndërruar për një moment në një “lodër” për vogëlushen e cila kishte kapur gjarprin me dorë dhe kishte filluar të luajë me të. Gjatë lojës, gjarpri e ka kafshuar vogëlushen në pjesën e dorës. Kështu, loja me gjarprin e ka sjellë atë në Qendrën Klinike Universitare të Kosovës. Nëna e saj ka treguar se fëmijët ishin duke luajtur kur kishte dëgjuar një zhurmë.

“I dëgjova fëmijët që bërtitën. Atë moment e pashë që vajza ishte kafshuar nga gjarpri dhe me shpejtësi e dërguam në Qendrën e Mjekësisë Familjare në Runik”, thotë gruaja rreth të tridhjetave. Ajo tregon se ishte një gjarpër mjaft i gjatë.

Por mjekët në Runik të Skenderajt e kishin udhëzuar familjen që pacienten ta dërgojë në drejtim të Mitrovicës.

Por, nëna e vogëlushes A. D. thotë se nga Mitrovica vajzën e kanë sjellë direkt në Prishtinë në Klinikën Infektive të QKUK-së.

“Ngjarja ka ndodhur rreth orës 12 të ditës së sotme”, thotë nëna, e cila tregon se në fshatin nga ata vijnë shfaqen shpesh gjarpërinj.

Por, në gjithë këtë fatkeqësi mjekët thonë se ishte fat që gjarpri nuk kishte arritur të lëshojë helmin në dorën e vajzës.

Rasti i vogëlushes A.D. nga komuna e Skenderajt është i shtati për këtë vit kur në Kosovë si rezultat i kafshimit nga gjarpërinjtë pacientët kërkojnë mjekim në Klinikën Infektive.

Drejtori i Klinikës Infektive të QKUK-së, Hamdi Ramadani, ka thënë për Rtklive.com se kafshimet e gjarpërinjve janë mjaft të shpeshta.

Ai ka thënë se trajtimi i pacientëve kryesisht shkon mirë. Por, ai ka thënë se kanë doza shumë të kufizuara të serumeve që injektohen në rastet kur pacientët sulmohen nga gjarpërinjtë.

“Ministria e Shëndetësisë na ka siguruar 3 doza. Aktualisht kemi edhe këtë pacienten e fundit, një tjetër e kemi injektuar dhe na mbetet vetëm edhe një”, ka thënë Ramadani.

Ai është shprehur se si rezultat i kafshimit nga gjarpërinjtë, 4 pacientë janë hospitalizuar derisa 3 të tjerë janë mjekuar në mënyrë ambulantore. /RTK/.

Facebook Comments
Pelqeni Faqet nga LipjaniPress:

Related posts

Përgatitje për luftë? Rusia stërvit edhe fëmijët për të qëlluar me armë (VIDEO)

lipjanipress

KQZ-ja mund të mbetet pa kryetar

lipjanipress

Zgjedhjet e përgjithshme mbahen në fund të majit

lipjanipress

Drama e avionit britanik në Danimarkë (Foto)

lipjanipress

Shteti po humbet mijëra euro nga mos shitja e pasurisë së sekuestruar (Video)

lipjanipress

Pa mbështetje në Kosovën e lirë

lipjanipress

Stoltenberg: Të implementohen marrëveshjet e arritura në Bruksel

lipjanipress

Rezultatet: LSDM udhëheq në 43, VMRO-DPMNE në 14, ndërsa BDI në 10 komuna

lipjanipress

Katër aktivistët e Lëvizjes Vetëvendosje janë liruar nga masa e arrestit shtëpiak respektivisht paraburgimit.

lipjanipress

Kadri Veseli i bën ofert antarit të Vetëvendosjes!

lipjanipress

Qytetari në Resnjë ndërroi jetë përderisa prente dru

lipjanipress

Ministria e Infrastrukturës arsyeton gjobën prej 50 eurove ndaj shoferëve për mungesë të formularit

lipjanipress
Skip to toolbar