LipjaniPress

Policia: Do të veprojmë në tërë Kosovën në mbrojtje të votës

Lajme

Baki Kelani nga PK-ja, tha për Radion Evropa e Lirë se, sikurse në zgjedhjet e kaluara, edhe më 11 qershor pritet që të angazhohet një numër i madh i pjesëtarëve të policisë për ofrimin e sigurisë publike dhe mbarëvajtjen e procesit zgjedhor.

“Do të kemi mjaftueshëm policë të profileve të ndryshme, të njësiteve të ndryshme për të menaxhuar me gjithë procesin zgjedhor në aspektin e ofrimit të sigurisë nga ana e policisë”, u shpreh Kelani.

Ai theksoi se me urdhrin operativ të hartuar nga Drejtoria e Policisë në Prishtinë, do të veprohet në gjithë territorin e Kosovës.

“Urdhri operativ është i hartuar për gjithë territorin e Kosovës dhe normalisht që vlen edhe për pjesën e veriut të Mitrovicës dhe edhe atje do të ketë angazhim të zyrtarëve policorë për aq sa e kërkon nevoja, pra kudo ku shtrihet procesi zgjedhor”, shpjegoi Kelani.

Nga ana tjetër, koordinatorja Nacionale për Zgjedhje, Laura Pula, bëri të ditur se bashkëpunimi me Policinë e Kosovës, Komisionin Qendror të Zgjedhjeve, Panelin Zgjedhor për Ankesa dhe Parashtresa, si dhe Këshillin Gjyqësor të Kosovës, do të jetë shumë i ngushtë në ditën e zgjedhjeve në mënyrë që të mos ketë probleme me procesin zgjedhor.

Koordinatorja Pula, në deklarimin e saj për media, bëri të ditur se në ditën e zgjedhjeve në terren do të jenë rreth 100 prokurorë, së bashku me staf mbështetës, të cilët do të operojnë dhe kooperojnë në 38 Komuna të Republikës së Kosovës, bashkë me hetuesit e Policisë së Kosovës.

Organet përgjegjëse thuhet se kanë bërë mobilizime të shtuara për të sanksionuar çdo veprim joligjor në procesin e zgjedhjeve.

Parashihen edhe dënime mjaft të ashpra për ata që shkelin Ligjin dhe rregullat e Komisionit Qendror të Zgjedhjeve.

Institucionet vendore dhe ato ndërkombëtare, kanë nënshkruar edhe një memorandum bashkëpunimi për të siguruar mbarëvajtjen e procesit.

Kryetarja e Komisionit Qendror të Zgjedhjeve, Valdete Daka, u bëri thirrje, sidomos partive politike, që t’i respektojnë rregullat dhe Ligjin për zgjedhjet dhe në asnjë formë të mos përpiqen të manipulojnë me votat.

Facebook Comments Box
Pelqeni Faqet nga LipjaniPress:

Related posts

Kodra e Diellit e lënë pas dore, skitarët ankohen se s’ka kushte për skijim (FOTO)

lipjanipress

Delawie: Kapja e 2 milionë eurove të falsifikuara nga Policia, shembull madhështor i përparimit të saj

lipjanipress

Deputetja e LDK’së paralajmëron prishjen e koalicionit me PDK’në

lipjanipress

Publikohet raporti i institutit GAP për qytetari aktive në lokalitete të ndryshme të Kosovës

Press Lipjani

Kuvendi merr vendim për emërimin e sheshit tek teatri i qytetit me emrin Ismail Kadare

Press Lipjani

SPANJA MUND TA NJOH KOSOVËN, POR KUNDËRSHTON SHKËMBIMIN E TERRITOREVE

Rexhep Isufi

Drenori e shkrin “Vizionin për Drenasin”, garon me Vetëvendosjen

lipjanipress

OSBE përkrah zgjedhjen e një prokurori të veçantë që merret me kërcënimet dhe mbrojtjen e gazetarëve

lipjanipress

Parashikimi i motit për javën që po vjen

lipjanipress

Presidenti Thaçi priti një delegacion të ashkalinjve të Kosovës për 14 vjetorin e ditës së tyre të flamurit

lipjanipress

Partnerizimi i Lipjanit me Kaiserslauternin e Gjermanis n’rrugë të mbarë.

lipjanipress

Koci: Në rastin Haradinaj, pushteti s’guxon të sillet thuajse asgjë s’ka ndodhur

lipjanipress
Skip to toolbar