LipjaniPress

Portali i njohur evropian shkruan se SHBA-ja detyroi Thaçin të heq dorë nga ushtria

Lajme

Portali i njohur Politico.eu i ka kushtuar një raport të veçantë iniciativës së presidentit Thaçi, për transformimin e FSK-së në Ushtri.

Shkrimi nis me një përshkrim të kampit të Forcës dhe Sigurisë së Kosovës në Gjilan, ku thuhet se ky është vetëm një kamp trajnimi i cili edhe pse duket si bazë ushtarake në fakt nuk është kështu, transmeton lajmi.net

“Kampi është një bazë trajnimi për Brigadën e reagimit të shpejtë të Forcës dhe Sigurisë së Kosovë. Por në javët e fundit Thaçi ka nisur iniciativën për të transformuar këtë forcë në ushtri me drejta të plota, megjithë kundërshtimin nga Serbia dhe aleatët perëndimorë të Kosovës”, nis shkrimi i kësaj gazete.

Shkrimi tregon se pas presionit të madh perëndimor Thaçi është tërhequr paksa nga kjo iniciativë, e cila ka nxitur tensione mes shqiptarëve të Kosovës dhe serbëve, e gjithashtu edhe mund të ndikojë në raportet e tensionuara mes Kosovës dhe Serbisë.

“Tani për tani 4.500 trupa të NATO-s janë e vetmja forcë ushtarake në Kosovë, një trashëgimi e fushatës së aleancës në bombardimet e vitit 1999 për t’i dhënë fund represionit serb ndaj shqiptarëve. Thaçi thotë se është koha që vendi i 1.8 milionë njerëzve të ketë ushtrinë e vet, 9 vite pas pavarësimit nga Serbia”, bëhet e ditur në këtë shkrim.

Politico hedh në pah edhe një hipotezë tjetër. Aty citohen analistë, sipas të cilëve Thaçi po tenton ta përdorë krijimin e Ushtrisë për ta mbështetur Partinë Demokratike të Kosovës në zgjedhjet e parakohshme. Edhe pse presidenti ka thënë dorëheqje nga posti i kryetarit të PDK-së.

“Masa e Thaçit vjen në një kohë të ngritjes së tensioneve në Ballkan sidomos në mes të Serbisë dhe Kosovës që aspiron të anëtarësohet në BE. Tensionet u ndezën në janar, pasi Beogradi dërgoi një tren në Mitrovicë me mbishkrimin ‘Kosova është Serbi’ në rreth 20 gjuhë. Treni u ndal para arritjes në kufi, por incidenti nxiti zyrtarët të përdorin një retorikë të ashpër. Arrestimi në janar i Ramush Haradinajt pas një urdhri nga Beogradi ka ushqyer gjithashtu shumë zemërim. Dhe një gjykatë e re që pritet të gjykojë krimet e luftës gjoja të kryera nga forcat guerile, gjithashtu pritet të nxjerrë paditë në qershor dhe ka shfaqur paknaqësi. Edhe udhëheqësit e BE-së e përshkruan situatën në rajon si të tensionuar” ka shkruar Politico.eu

Në shkrim theksohet mos-përkrahja e kësaj iniciative nga aleatët perëndimorë të Kosovës. Përmendet reagimi i sekretarit të përgjithshëm të NATO-s, Jens Stoltenberg i cila tha se NATO do ta shqyrtojë angazhimin e saj në Kosovë pas kësaj iniciative. Gjithashtu reagimet kanë ardhur edhe nga vendet e Evropës perëndimore.

“Thaçi ka propozuar këtë projekt-ligj në mënyrë efektive duke mohuar pakicave etnike të drejtën e vetos. Ai kishte planifikuar të ndryshojë ligjin e FSK-së për ta ndryshuar mandatin e saj nga një forcë civile në atë ushtarake. Ai madje kërcënoi se do të jap dorëheqje nëse parlamenti nuk e voton këtë çështje, duke thënë se i gjithë vendi janë pro kësaj çështje”, vazhdon shkrimi në këtë medium, transmeton lajmi.net

‘Politico’ pretendon se arsye për tërheqjen e Thaçit nga kjo çështje është vizita e ndihmës sekretarit amerikan, Hoyt Brian-Yee i cili ka thënë se ushtria duhet të krijohet vetëm me ndryshimet në kushtetutë.

Edhe reagimi i serbëve ka qenë i pashmangshëm, të cilët pretendojnë se ky vendim është kërcënim për serbët e Kosovës, duke e cituar Nenad Rashiqin i cili ka thënë se serbëve ju duhet kohë për të shëruar plagët e luftës.

“Analistët thonë se Thaçi është duke synuar krijimin e ushtrisë për të rritur popullaritetin e Partisë Demokratike të Kosovës, të cilën e drejtoi deri sa të bëhet president pas një koalicioni me LDK-në. Çështja e ushtrisë mund të ndikojë në krijimin e zgjedhjeve të parakohshme parlamentare, e që mund të ngjajë që PDK të rris numrin e deputetëev, kurse LDK të dështojë”, citon Politico.

“Duke pasur parasysh mjedisin politik në Kosovë mund të ketë dyshime se e gjitha biseda për ushtrinë është një akt i presidentit, i cili dëshiron vëmendje dhe dëshiron të dërgojë partinë që ai e kontrollon në triumf në zgjedhjet e ardhshme”, është shprehur Lumir Abdixhiku.

“Ju duhet të kaloni nëpër shumë faza deri te krijimi i Ushtrisë, që ajo të jetë e dobishme dhe të përdoret ashtu si duhet” ka thënë Aidan Hehir, një profesor në marrëdhëneit ndërkombëtare në Universitetin Ëestminster, duke shtuar se nisma për ushtrinë është një formë e teatrit politik.

Besnik Selimi, kapiteni i Forcave të Sigurisë së Kosovës B.R.SH Gjilan Bataljoni i ka deklaruar se është i gatshëm për krijimin e një ushtrie pasi ka ndjekur trajnime në Danimarkë, Maqedon, SHBA dhe një kurs në Varshavë.

“Unë vetëm dua të shërbej për vendin tim në çfarë do misioni jam i gatshëm ta përmbushë”, është shprehur Selimi.

Shkrimi I ‘Politico’ është realizuar nga Valerie Hopkins në qytetin e Gjilanit.

Facebook Comments Box
Pelqeni Faqet nga LipjaniPress:

Related posts

A JANË TË RREZIKUR NGA KANCERI DHE LEUKEMIA? ATA QË JETOJN DHE PUNOJN AFËR LINJAVE TË TENSIONIT TË LARTË

lipjanipress

SHBA-ja përgatitet për një sulm bërthamor nga Kim Jong-un

lipjanipress

Abrashi mysafir te veteranët

lipjanipress

Haradinaj prokurorit serb që kërkoi dërgimin e Ramushit në Hagë : Pushka top t’u bëftë

lipjanipress

Zëvendës-presidenti amerikan – Iranit: Mos e testoni Trump-in

lipjanipress

Ministrja e Integrimit Europian në Serbi: BE-ja s’është e plotë pa Serbinë

lipjanipress

Stojanoviq: Serbët nga Kosova e përkrahin Aleksandar Vuçiqin për President të Serbisë

lipjanipress

Policia Merr në Pyetje Deputetin Milaim Zeka për Shmangie nga Tatimi

lipjanipress

Policia Kosovës sotë konfiskoj 825 kg marihuanë.

lipjanipress

Edhe ushtarët maqedonas bëjnë shqiponjën

lipjanipress

KEDS-i kishte mashtruar me reduktime, dënohet me 45 mijë euro

lipjanipress

Policia: Disa raste penale dhe 14 incidente të ndryshme gjatë zgjedhjeve

lipjanipress
Skip to toolbar