LipjaniPress

Prokuroria Speciale ngre aktakuzë për krime lufte ndaj një personi

Lajme

Prokuroria Speciale e Kosovës, ka ngritur sot aktakuzë, pranë Departamentit për Krime të Rënda të Gjykatës Themelore në Mitrovicë, kundër personit Z.V. për veprën penale “Krime Lufte kundër popullsisë civile”.

Sipas aktakuzës i pandehuri gjatë kohës sё konfliktit të armatosur nё Kosovё, mё 5 maj 1999, nё Vushtrri, në bashkëkryerje, ka vepruar nё kundërshtim me normat e së drejtës ndërkombëtarë nё fuqi gjatё kohës sё luftёs, duke shkelur Nenin 3 (1a) tё përbashkët pёr katër Konventat e Gjenevës, tё datës 12 gusht 1949, po ashtu edhe protokollin shtesë (protokolli II) të kësaj Konvente të vitit 1977, neni 4, pikat 1 dhe 2, duke kryer veprimet e më poshtme:

I. Pasi ka rrahur dhe plaçkitur persona të ndryshëm civil të nacionalitetit shqiptar, me dashje ka rrahur e pastaj edhe ka vrarë katër persona civil shqiptar tё identifikuar si: Enver Rustolli, Hamdi Fazliu, Avdulla Fazliu dhe Fahredin Fazliu.

II. Duke vepruar nё mënyrë çnjerëzore ndaj civilëve tё nacionalitetit shqiptar me dashje ka cenuar integritetin trupor, shëndetin, mirëqenën fizike dhe mendore të 17 të dëmtuarve dhe dëshmitarëve, duke i torturuar dhe shkaktuar lëndime të rënda fizike dhe psikike, pasoja të cilat të dëmtuarit i bartin ende.

III. Me dashje dhe dhunshëm ka plaçkitur tё holla nё shuma të ndryshme, flori dhe gjëra tjera të çmueshme nga civilet e nacionalitetit shqiptar, konkretisht nga 8 tё dëmtuar dhe njëkohësisht dëshmitarë.

Më këtë i pandehuri, nё bashkëkryerje ka kryer veprën penale: Krime Lufte kundër popullsisë civile, nё kundërshtim me Nenin 142 lidhur me nenin 22 tё Ligjit Penal tё Republikës Socialiste Federale tё Jugosllavisë (LPRSFJ) paralel me Nenin 3 (1a) i përbashkët për Katёr Konventat e Gjenevës, e përfshirë edhe ne nenin 152 (1) dhe (2.1) dhe nenin 153 (1) dhe (2) lidhur me nenin 31 tё Kodit Penal tё Republikës sё Kosovёs.

Aktakuza është ngritur nga një prokuror vendës i Prokurorisë Speciale të Republikës së Kosovës në bashkëpunim me një prokuror të misionit EULEX, të cilët i kanë propozuar gjykatës kompetente që të pandehurin ta shpallë fajtor për veprat e kryera penale dhe ta dënojë sipas ligjit. /GazetaExpress/

Facebook Comments
Pelqeni Faqet nga LipjaniPress:

Related posts

Prokuroria konfirmon se po heton rreth 100 raste të krimeve të luftës

lipjanipress

PLAKU ALBIN KURTIT: UNË TY TË KAM PËRCJELLUR QE 10 VITE, GJITHA FJALËT TË KANË DALË TË VËRTETA (VIDEO)

lipjanipress

“Zaev ka pranuar ndryshimin e kufijve mes Maqedonisë, Shqipërisë dhe Kosovës”

lipjanipress

Parashikimi i motit për javën që po vjen

lipjanipress

Nuk do të besoni se në çfarë kushtesh jetojnë këto familje në Komunën e Prishtinës (Foto)

lipjanipress

Hoti alarmon Shpend Ahmetin: LDK e gatshme ta drejtojë Prishtinën

lipjanipress

Kusari – Lila zotohet për angazhim të mëtutjeshëm në tolerancën ndërfetare

lipjanipress

Putin thotë se Rusia nuk e ka ndërmend të përzihet në zgjedhjet e Francës

Press Lipjani

Kandidati për president të Serbisë: Kosova është e pavarur, duhet ta njohim

lipjanipress

Partitë në pushtet dhe ato në Opozitë takohen për demarkacionin

Press Lipjani

Ashkalit e Lipjanit të mobilizuar për Zgjedhjet Lokale

lipjanipress

Malaria e re e shfaqur në Azi paraqet kërcënim për botën

lipjanipress
Skip to toolbar