Lipjanipress

Qeveria emëron kryeakademikun Hivzi Islami në krye të Komisionit për Matjen e Territori

Lajme

Kreu i ASHAK-së, Hivzi Islami, është ngarkuar që të udhëheqë Komisionin e formuar nga Qeveria për matjen e territorit – një ide kjo e kryeministrit Isa Mustafa për ta nxjerrë vendin nga ngërçi politik. Mbetet të shihet se cili do të jetë reagimi i partive opozitare për këtë emërim, kur dihet se Islami ka qenë kundërshtar i ashpër i akterëve që kanë thënë se Kosova ka humbur territor nga Marrëveshja me Malin e Zi.

Kryeministri Mustafa ka thënë se Qeveria nuk do t’i japë udhëzime këtij Komisioni, i cili, sipas tij, do të jetë i pavarur, por në fund të punës, Qeveria do të pranojë një raport, i cili më pas do të aprovohet në ekzekutiv dhe do të dërgohet në Kuvend.

“Ne nuk do të japin udhëzime se si të punojë Komisioni, sepse ai do të jetë i pavarur me kriteret dhe teknikat e matjes së territorit. Ne do të mbështesim plotësisht logjistikën e punës së Komisionit. Raportin përfundimtar do ta aprovojë Qeveria dhe do ta informojmë Kuvendin dhe qytetarët e Kosovës”, ka thënë Mustafa.

“Unë konsideroj se është ndërmarrë një hap i rëndësishëm për ne, sepse edhe qytetarët janë të interesuar të dinë sa është territori i Kosovës. Por edhe bashkësia ndërkombëtare duhet ta dijë se cili është territori. Është mirë të mos krijojmë ndonjë konfuzion. Në emër të Qeverisë propozoj që Hivzi Islamin ta drejtojë punën e këtij Komisioni, dhe prej këtij momenti këtë çështje e lëmë në kompetencë dhe fushëveprim të këtij Komisioni. Ne marrim për obligim që të gjitha adresimet që i bëni t’ju përgjigjemi”, ka thënë kryeministri Mustafa. express/

Facebook Comments

Related posts

Kështu reagoi Veseli kur Isa Mustafa e la sallën e Kuvendit (Foto)

lipjanipress

Linda Shahini rizgjedhet kryesuese e Grupit të Grave të Komunës së Lipjanit (FOTO)

lipjanipress

Fundjavë e nxehtë por prej të hënës ndryshojnë temperaturat

lipjanipress
Albanian
Kalo te paneli