LipjaniPress

QKUK që 1 vit pa aparaturë të gastroskopisë

Lajme

Pajisjet me të cilat ekzaminohen disa nga organet e sistemit të tretjes janë jashtë funksionit në QKUK.
Gastroskopi, një pajisje me me anë të të cilit shikohet në brendi të traktit të sipërm tretës po mungon që një vit në QKUK.

Zyra e drejtorit të përgjithshëm të Shërbimit Spitalor dhe Klinik Universitar të Kosovës, thotë se aparatura e gastroskopisë në kuadër të Klinikës së Gastroenterologjisë është jashtë funksionit.

“Duke pasur parasysh që buxhetin për furnizim me pajisje mjekësore dhe investimet kapitale i ka Ministria e Shëndetësisë, SHSKUK, përmes sektorit për pajisje mjekësore përmes një komisioni vlerësues për aparatura, ka dorëzuar në Ministrinë e Shëndetësisë në muajin qershor 2016 kërkesat për blerje të një videogastroskop për Klinikën e Gastroenterologjisë”, thotë Zyra e Drejtorit të SHSKUK-së.

Sipas kësaj zyreje, gjatë vitit 2016 kjo aparaturë nuk është blerë, prandaj QKUK-ja ka bërë edhe një kërkesë tjetër në shkurt të këtij viti drejtuar Ministrisë së Shëndetësisë.

“Jemi në pritje të blerjes së aparaturës së videogastroskopit nga ana e MSH”, thuhet në përgjigjen e zyrës.

Sipas QKUK-së aparati që është jashtë funksionit nuk ka pasur mundësi të servisohet meqë është i vjetër dhe ofertat për servisim kanë qenë shumë të shtrenjta, gati sa blerja e një aparature të re.

“QKUK ka mungesë ekstreme të buxhetit për servisim të aparaturave, nga 1.7 milion euro sa kishte para tre vjetëve, vjet ka pasur 750 mijë euro. Këtë vit sipas sektorit të financave në QKUK ka vetëm 900 mijë euro për servisim dhe mirëmbajtje, përderisa nevojat janë për 2 milionë euro”, thonë në QKUK.

Ministria e Shëndetësisë pranon se ka pranuar kërkesat e QKUK-së.

SHSKUK, në kuadër të projektit për investime në QKUK dhe 7 spitalet e përgjithshme, të cilin ia ka drejtuar Ministrisë së Shëndetësisë ka kërkuar që gastroenterologjia të pajiset me 5 gastroskopë dhe 1 shtyllë; 5 kolonoskopë; 1 ultrazë endoskopik dhe 2 ultrazë abdominalë me ekodopler”, thotë Ministria e Shëndetësisë.

Edhe ministria ka dijeni se aparati i vjetër në Klinikën e Gastroenterologjisë nuk ka mundur të riparohet për t’u kthyer në funksion.

“Endoskopi me videosistemin që e ka përdorur kjo klinikë, sipas SHSKUK-së, është jashtë funksionit dhe nuk është arritur të riparohet, me arsyetimin se është i vjetruar”, sqaron Ministria e Shëndetësisë.

Ministria thotë se e ka miratuar kërkesën për aparate të ardhur nga Shërbimi Spitalor Klinik Universitar të Kosovës dhe atë kërkesë e ka futur në projektin 47 milionësh për investime në QKUK dhe në 7 spitale, të cilat i ka dërguar në Këshillin Kombëtar për Investime, ku projekti gjithashtu është aprovuar.

“Në ndërkohë, e dini, ka pasuar rënia e qeverisë së vendit”, thotë Ministria e Shëndetësisë.

Ministria thotë se i mbetet Qeverisë së re që të realizoj këtë projekt qoftë përmes ndonjë kredie, bashkë-financimi apo edhe me kontribute të tjera, duke përfshirë edhe donacionet e mundshme.

“Përndryshe, si të gjitha institucionet e tjera publike që kanë pamjaftueshmëri buxheti për t’i përmbushuar të gjitha nevojat, edhe Ministria e Shëndetësisë i ka të njëjtat sfida kur është në pyetje buxheti”, ankohet ministria.

Facebook Comments
Pelqeni Faqet nga LipjaniPress:

Related posts

Gjatë ditëve në vijim vendet që do të mbesin pa rrymë

lipjanipress

Këshilli komunal i viktimave të dhunës në baza gjinore mban takim pune

lipjanipress

Dënohet me dy vjet burg ish-ministri i Brendshëm i Francës

lipjanipress

Ish kryetari i Gjykatës Supreme Fejzullah Hasani

lipjanipress

PDK-Lipjan Ismet Hajrullahu, nominohet kandidat për kryetar të komunës së Lipjanit nga Partia Demokratike e Kosovës!

lipjanipress

El Chapo deklarohet i pafajshëm

lipjanipress

Aksion i madh policor në Skenderaj: Kapen armë, drogë e para të falsifikuara

lipjanipress

Aktakuzë për Koordinatorin e Inspektoratit të Punës që morri 10 mijë Euro ryshfet

lipjanipress

SHBA vret me dron 3 pjesëtarë të Al-Kaidës

lipjanipress

Ushtronte dhunë mbi anëtarët e familjes, arrestohet një person në Suharek

lipjanipress

Kush po kërkon të ndërtojë 5 spitale në qendrat më të mëdha rajonale? Tregon ministrja Bajrami (Video)

lipjanipress

Drejtori i porsaemëruar i AKI-së ishte nën akuzë

lipjanipress
Skip to toolbar