LipjaniPress

Resul Sinani konfirmon se do t’i bashkohet Nismës së Fatmir Limajt

Lajme

Moderatori i lajmeve në RTK, Resul Sinani, ka lënë televizionin publik për t’iu bashkëngjitur partisë Nisma Socialdemokrate të Fatmir Limajt, Këtë e ka bërë të ditur vetë Sinani, duke treguar se sot do të jetë hera e fundit që prezenton lajmet në RTK.
Gazeta Express raportoi sot gjatë ditës se Resul Sinani do t’i bashkohej së shpejti Nismës, e këtë e ka konfirmuar vetë moderatori, duke thënë se do të lë RTK’në për t’u bërë pjesë e skenës politike.

Ky është shkrimi i plotë i Sinanit:

Një MIRËMBETSHI e pa thënë

Të nderuar miq,

Sot kisha menduar që ta kem edicionin e fundit të lajmeve në RTK, në studion ku jemi takuar prej 17 vjetësh, dhe aty t’ju thoja ‘mirëmbetshi’ për herë të fundit me mirënjohjen më të madhe ndaj jush!

Mirëpo, siç e keni kuptuar nga shkrimet e sotme në portale, unë kam vendosur që të mos e ushtroj më këtë profesion. Pas publikimit të këtij lajmi, “mirëmbetshi” më duhet t’ju them vetëm përmes këtij postimi në FB. Kolegëve të Gazetës Ekspress, që e kishin kuptuar dhe e botuan lajmin, nuk di a t’ua marr inati, apo t’u them faleminderit, sepse e kisha të vështirë dhe nuk e di a do të mund ta përballoja moderimin e sontëm, duke e ditur se ai do të ishte i fundit. Ndoshta më mirë kështu!

Prandaj, përmes këtij postimi për të gjithë dua të konfirmoj dy gjëra:

– PO, nuk do të jem më në RTK dhe këtu e përfundoj udhëtimin tim në media pas gati 19 vjetësh.

– PO, do të jem i nderuar dhe krenar që do të bëhem pjesë e POLITIKËS përmes partisë NISMA Socialdemokrate.

Të tjera që janë shkruar në tekstet e portaleve, nuk i konfirmoj, por ia lë të ardhmes!

Përveç politikës, me mburrje e them se do të jem pjesë e Kolegjit AAB, ku do të vazhdoj të jap kontributin tim si profesor i lendëve të Komunikimit dhe Gazetarisë, profesion të cilin e ushtroj prej më shumë se një dekade dhe për të cilin jam shkolluar.

Me këtë rast, kam kënaqësinë dhe ndihem i nderuar por edhe krenar që kam mundësinë t’ju drejtohem shikuesve të RTK, kolegëve dhe të gjithë miqve të mi, por edhe familjes sime, për t’ju shpheur falenderimet e pakufishme që më kanë përkrahur, mbështetur, shoqëruar dhe më kanë qëndruar afër përgjatë gjithë këtyre viteve.

Për vendimin tim, e di që e kam mirëkuptimin e të gjithë atyre duhet, prandaj i falenderoj, sepse ai mirëkuptim është motiv dhe shtytje në rrugëtimin e ri. Prandaj shumë faleminderit!

Puna e gjatë në media më ka mundësuar që të kem shumë miq nga skena politike, nga të gjitha partitë politike, me të cilët besoj që do të bëjmë më të mirën për t’i shërbyer vendit.

Kolegëve në NISMA Socialdemokrate, të cilëve shpejti do t’iu bashkohem në rrugëtimin e tyre që e kanë nisur para katër vjetësh, iu premtoj angazhim të sinqertë me gjithë potencialin tim.

Mirëmbetshi!

Facebook Comments
Pelqeni Faqet nga LipjaniPress:

Related posts

Opozita pyet nëse Presidenti ka bërë puç duke marrë edhe pozitën e Kryeministrit

lipjanipress

Parashikimi i motit prej të hënës deri të premtën

lipjanipress

“The Times” publikon dokumentin sekret: Kush e organizoi grushtin e shtetit në Turqi

lipjanipress

Çelaj lë Ministrinë, në kërkim të kandidaturës për Prishtinën

lipjanipress

Raportet mes Bashkimit Evropian dhe Donald Trumpit eskalojnë në pikë kritike

lipjanipress

Hasan S Zeneli: Kur bota rrotullohet rreth komandant dreqit !!!

lipjanipress

Përurohet projekti “Sistemi i unifikuar i adresave” në Komunën e Lipjanit(FOTO)

lipjanipress

Organizata VoRAE përmes qendrës për Arsim mbështetës në shkollën “ Ismail Luma ne Lipjan dhe Zenel Hajdini ne Gadime ” ka organizuar kampanjën “Arsimi ּÇelësi i Suksesit”

lipjanipress

Ku mbet gjaku, A mjafton kjo?.

lipjanipress

Eksperti i spiunazhit: Daullet e luftës po bien në Kosovë dhe në Bosnje

lipjanipress

Dialogu ‘ribashkon’ opozitën

lipjanipress

Mungesa e informacioneve për Sirinë, i ka radikalizuar kosovarët

lipjanipress
Skip to toolbar