Grupi i tifozëve “Tigrat” i ftojnë të gjithë që të jenë nesër në stadiumin “Sami Kelmendi” në përkrahje të Ulpianës në ndeshjen me Dritën.
Ata bëjnë thirrje që të tregohet maturi e lartë në sjelljen e tifozëve lipjanas, transmeton Ulpianapress.
Tutje “Tigrat” theksojnë se do të jenë në numër të madh në përkrahje të bardhekaltërve dhe presin edhe nga qytetarët e tjerë të jenë të pranishëm në « Sami Kelmendi ».
Postimi i plotë:
Miku i mirë në ditë të vështira.
Të dashur sportashës dhe ju tifozë të Ulpianës, nesër është një ditë jetike për heronjtë tanë në fushën e gjelbërt, të cilët nuk do t’a kenë të lehtë përballjen me ekipin e Dritës duke pasur parasysh cilësitë e këtij ekipi, mirëpo ne kemi ditur që këtyre ekipeve tu shkaktojmë telashe të mëdha, bile edhe duke i mposhtur, prandaj asgjë nuk është e pamundur sepse djelmoshat që na përfaqësojnë kanë ditur me tregu që janë në gjendje të vdesin në fushën e gjelbërt vetëm e vetëm që pikët e plota të mbesin në Lipjan.
Në besojm shumë në cilësitë e tyre, besojm shumë në shtabin teknik, dhe kur këto dy elemente funksionojnë, atëherë suksesi është i garantuar.
Ulpiana jonë e dashur, në këtë rrugëtim aspak të lehtë si për juve ashtu edhe për ne nuk do të jeni asnjëher e vetme, do te jemi me ju deri në fishkëllimën e fundit, ju jeni krenaria jonë, na nderoni ditën e neserme duke dhënë 110%, fikne Dritën, sepse ju mundeni t’i bëni të vegjël edhe ekipet që luftojnë për titull, dhe këtë e keni dëshmuar në këto gjiro që i lam pas.
Ju ftojmë që masovikisht të jeni prezent në stadiumin e qytetit që t’a përkrahmi dhe t’a ndihmojmë ekipen tonë drejt rrugëtimit të mbijetesës.
Na nderoni nesër.
Forca KF Ulpiana 🤍💙
