Lipjanipress

Vettingu “godet” gjyqtarët dhe prokurorët, Ambasada e SHBA-ve revokon vizat për disa prej tyre

Lajme Shqipëri

Ligji i vettingut duket se po jep frytet e para disa kohë pasi ka hyrë në fuqi.

Ambasada e SHBA-ve në Tiranë bën me dije se u ka hequr vizat disa gjyqtarëve dhe prokurorëve.

“Ambasada e Shteteve të Bashkuara ka revokuar vizat jo-emigruese për disa gjyqtarë dhe prokurorë shqiptarë pasi ka dalë në përfundimin që këta zyrtarë nuk kualifikohen për këto viza.

Për shkak se të dhënat e vizave janë konfindenciale sipas ligjit të Shteteve të Bashkuara, ne nuk mund të komentojmë mbi raste individuale. Ambasada e Shteteve të Bashkuara e ka ndërmarrë këtë veprim përpara procesit të pritshëm të vetingut, i cili do të vlerësojë lidhjet e zyrtarëve të caktuar me korrupsionin, si dhe në përgjigje të një rasti që përfshinte abuzim flagrant të një vize zyrtare nga një prokuror i nivelit të lartë dhe bashkëshortja e tij, gjë që çoi në revokimin e vizave të tyre”, thuhet në njoftim.

Ambasada e Shteteve të Bashkuara i merr seriozisht akuzat për korrupsion dhe do të vazhdojë t’i shqyrtojë vizat dhe aplikimet për vizë të zyrtarëve të drejtësisë me vëmendje të shtuar.

“Departamenti i Shtetit ka një autoritet të gjerë për të mohuar dhe revokuar viza bazuar në informacione që tregojnë se zotëruesi i vizës mund të jetë i papranueshëm në Shtetet e Bashkuara dhe Departamenti i Shtetit do të vazhdojë ta përdorë këtë autoritet për të çuar përpara përpjekjet kundër korrupsionit në Shqipëri”, vijon ambasada.Express

Facebook Comments

Related posts

A e dini se kryeministri i Kanadasë është feminist?

lipjanipress

Haradinaj nga sheshi i Prishtinës thotë se Kosova nuk i fal tokë askujt

lipjanipress

Ky është drejtori i ri i Doganës së Kosovës

lipjanipress
Albanian
Kalo te paneli